စစ်တပ် ပြန်လည်ထိန်းချုပ်ထားတဲ့ ရှမ်းပြည်နယ်မြောက်ပိုင်း၊ လားရှိုးမြို့မှာ ဩဂုတ် ၁၀ ရက် နေ့ခင်းပိုင်းက ကလေးငယ် ၃ ယောက် အပါအဝင် မိသားစုဝင်တွေ ၄ လောင်းပြိုင် သေဆုံးမှု ဖြစ်ပွားခဲ့ကြောင်း ဒေသခံတွဆီက သိရတယ်။
ဒေသခံ အမျိုးသားတယောက်က “ကလေးတွေကို ကြွက်ဆေးတိုက်ပြီး သေသွားကြတာလို့ပဲ သိရတယ်။ အသေးစိတ် မသိဘူး။ လားရှိုး ရပ်ကွက် ၇၊ နယ်မြေ ၉ ဘက်ဆိုတော့ ကွက်သစ်ကုန်းပါ်ဘက်မှာလေ။ တိုးချဲ့ထားတဲ့ဘက်” လို့ ပြောပါတယ်။
ဖခင်ဖြစ်သူက ဆေးကြောင်လို့ ဖြစ်နိုင်တယ်လို့သာ ယူဆကြရပြီး သေသွားပြီးမှ မြင်တာဆိုတော့ ဘာမှ အသေးစိတ် မသိနိုင်ဘူးလို့ ဆိုပါတယ်။
နောက်ထပ် ဒေသခံ အမျိုးသမီးတယောက်က “ဟုတ်ပါတယ်၊ အိမ်နားလေးကပဲ။ ကလေးလေးက လက်အုပ်ချီပြီး သေနေတာ။ ကလေးအမေက ခြံသွားနေတာလို့ သိရတယ်။ ဆေးကြောင်တာလား မသိဘူး” လို့ ပြောပါတယ်။
အသက် ၁၂ နှစ်အောက် ကလေးငယ် ၃ ယောက်နဲ့ သူ့အဖေပါ သေသွားတာဖြစ်ပြီး သေသွားတဲ့ သူက တရုတ် ပလောင်လူမျိုးလို့ သိရတယ်လို့ ဆိုပါတယ်။
ဒေသခံတချို့ကဝောာ့ ငွေကြေးနဲ့ပတ်သက်ပြီး မိသားစု အခက်အခဲ အကျပ်အတည်း ရှိတယ်လို့ ကြားသိရပေမဲ့ တိတိကျကျ မသိရဘူးလို့ ပြောပါတယ်။
