ရှမ်းပြည်နယ်မြောက်ပိုင်း၊ လားရှိုးမြို့အထွက်က စစ်တပ်ဂိတ်မှာ ဒီနေ့ ဩဂုတ် ၆ ရက် မနက်ပိုင်းက မိုင်းနင်းမိပြီး တပ်သားတယောက် ဒဏ်ရာရတယ်လို့ ဒေသခံတွေဆီက သိရပါတယ်။
လားရှိုးမြို့အထွက် ကိုးကန့် (MNDAA) တပ်တွေ အထိုင်ချထားတဲ့ မယ်ဟန်ဂိတ်အနီးက စစ်တပ်ဂိတ်မှာ မိုင်းနင်းမိပြီး ခမရ ၅၀၇ တပ်ရင်းက တပ်သားတယောက် ဒဏ်ရာရတာလို့ ဆိုပါတယ်။
လားရှိုးဒေသခံတယောက်က “မယ်ဟန်မှာဖြစ်တာ။ ခမရ ၅၀၇ က တပ်သားတယောက် မိုင်းနင်းမိတာ။ သိလားတော့ မသိဘူး။ မယ်ဟန်ဂိတ်နဲ့အနီးမှာ စကစထိုင်တယ်” လို့ ပြောပါတယ်။
ဘယ်လိုကြောင့် မိုင်းနင်းမိတယ် ဆိုတာကိုတော့ အသေးစိတ် မသိရသေးပါဘူး။
ဒေသခံတယောက်ကလည်း “လားရှိုးက အုံးသံကြားလိုက်တယ်။ ဘာလဲတော့မသိ။ တက္ကသိုလ်ရှေ့တော့ ရဲကား ၂ စီးနဲ့ အင်အားပြည့် တွေ့ရတယ်” လို့ ပြောပါတယ်။
ခမရ ၅၀၇ ဟာ ကိုးကန့်တပ်တွေ သိမ်းယူပြီးနောက် တရုတ်ဖိအားကြောင့် ပြန်ဆုတ်ပေးရချိန် စစ်ကောင်စီတပ်သားတွေ ပြန်ဝင်ရောက်နေတဲ့တပ် ဖြစ်တယ်လို့ သိရပါတယ်။
