တိုက်စစ်မှူး ဒါဝင်နူးညက်ဇ်ဟာ ဆော်ဒီကလပ် အယ်လ်ဟီလယ်အသင်းမှာ လီဗာပူးမှာရတဲ့ လုပ်ခထက် ၃ ဆနီးပါး ပိုမိုရရှိသွားမယ်လို့ သိရပါတယ်။

ဥရုဂွေးတိုက်စစ်မှူးကို အယ်လ်ဟီလယ်က ပေါင် ၄၆ သန်းနဲ့ ခေါ်ယူဖို့ သဘောတူညီမှု ရရှိထားပြီး ရက်ပိုင်းအတွင်းမှာ အပြီးသတ်စာချုပ်ဖို့ ရှိနေတာပါ။

နူးညက်ဇ်ဟာ လီဗာပူးမှာ တပတ်လုပ်ခ ပေါင် ၁၄၀,၀၀၀ သာ ရရှိနေပြီး အသင်းသစ် အယ်လ်ဟီလယ်မှာ တပတ်လုပ်ခ ပေါင် ၄၀၀,၀၀၀ အထိ ရရှိမှာဖြစ်လို့ ၃ ဆနီးပါး လုပ်ခတိုးမြှင့်ရရှိလာမှာပါ။

လီဗာပူးဟာ နူးညက်ဇ်ကို ပေါင် ၈၅ သန်းနဲ့ ဘင်ဖီကာကနေ ခေါ်ယူခဲ့တာဖြစ်ပြီး ၃ နှစ်အကြာမှာ ဝယ်တဲ့ဈေးရဲ့ ထက်ဝက်ခန့်နဲ့သာ ပြန်လည်ရောင်းထုတ်နိုင်ခဲ့တာပါ။

နူးညက်ဇ်ကိုခေါ်ယူဖို့ နာပိုလီနဲ့ အေစီမီလန်တို့ကလည်း ကမ်းလှမ်းခဲ့ပေမဲ့ လီဗာပူးက သတ်မှတ်ထားတဲ့ ပြောင်းရွှေ့ကြေး မပေးနိုင်တာကြောင့် အဆင်မပြေဖြစ်ခဲ့ပြီး အယ်လ်ဟီလယ်က လက်ဦးမှု ရယူနိုင်ခဲ့တာဖြစ်ပါတယ်။

Photo: Reuters