အမေရိကန်နိုင်ငံ၊ ဂျော်ဂျီယာပြည်နယ်၊ ဖို့ထ်စတီးဝပ်ထ် အခြေစိုက်စခန်းမှာ သြဂုတ် ၆ ရက်က အမေရိကန်စစ်သား ၅ ယောက် သေနတ်နဲ့ ပစ်ခံခဲ့ရပြီး သံသယရှိသူကို ဖမ်းဆီးထားတယ်လို့ စစ်တပ် တာဝန်ရှိသူတွေက ပြောပါတယ်။

စစ်သားတွေဟာ နေရာမှာတင် ဆေးကုသမှု ခံယူပြီးတဲ့နောက် ဝင်း စစ်တပ်ဝင်းဆေးရုံဆီ သူတို့ကို ပို့ဆောင်ကုသပေးခဲ့တယ်လို့ အခြေစိုက်စခန်းက ဖေ့စ်ဘွတ်ခ်ပေါ်မှာ ရေးထားပါတယ်။

စခန်းကို မနက် ၁၁ နာရီ ၄ မိနစ်မှာ သော့ခတ်ထားပြီး တရားဥပဒေစိုးမိုးရေး အရာရှိတွေ အခင်းဖြစ်ပွားရာနေရာမှာ ရှိနေတယ်လို့ အခြေစိုက်စခန်းက ပြောပါတယ်။

လူမှုအသိုက်အဝန်းအတွက် ထိရောက်တဲ့ ခြိမ်းခြောက်မှု မရှိဘူးလို့လည်း ထည့်ပြောပါတယ်။

ပစ်ခတ်မှုနောက်ကွယ်က သံသယရှိသူ သေနတ်သမားကို အသက် ၂၈ နှစ်အရွယ် စစ်သား ကိုနီးလီးယပ်စ် ရက်ဒ်ဖို့ဒ် အဖြစ် အမေရိကန်စစ်တပ်က ဖော်ထုတ်ခဲ့ပြီး စစ်သား ၅ ယောက်ကို ဘာကြောင့် ပစ်ခတ်ခဲ့တာလဲဆိုတာ မသေချာဘူးလို့ ပြောပါတယ်။

ရက်ဒ်ဖို့ဒ်ဟာ လုပ်ငန်းခွင်မှာ ကိုယ်ပိုင်သေနတ်တလက်ကို သုံးခဲ့ပုံရပြီး ဒဏ်ရာရစစ်သားတွေက ရက်ဒ်ဖို့ဒ်ရဲ့ လုပ်ဖော်ကိုင်ဖက်တွေ ဖြစ်တယ်လို့ ခြေလျင်တပ်မ ၃ ရဲ့ တပ်မမှူး ဗိုလ်မှူးချုပ် ဂျွန်လူဘတ်စ်က ဖို့ဒ်စတီးဝပ် အခြေစိုက်စခန်းမှာ သတင်းထောက်တွေကို ပြောခဲ့ပါတယ်။

ဖို့ဒ်စတီးဝပ် အခြေစိုက်စခန်းဟာ အတ္တလန်တာမြို့ အရှေ့တောင်ဘက် ၂၂၅ မိုင်နဲ့ ဆာဗားနားမြို့ အနောက်တောင်ဘက် မိုင် ၄၀ အကွာမှာ ရှိနေပါတယ်။

Source: Reuters