မြန်မာနိုင်ငံမှာ မတ် ၂၈ ရက်က လှုပ်ခတ်ခဲ့တဲ့ စစ်ကိုင်းငလျင်ဒဏ် ခံစားခဲ့ရသူတွေကို ကူညီဖို့ ရန်ပုံငွေဂီတပွဲ "Harmony for Hope" ကို ထိုင်းနိုင်ငံ၊ ချင်းမိုင်မြို့က Yoda’s CNX Gallery မှာ ဇူလိုင် ၁၈ ရက်နေ့က ကျင်းပခဲ့ပါတယ်။

ဒီပွဲကို Turning Tables က ဦးစီးပြီး River Catchers, Food Not Bombs CNX, နဲ့ MERCU (Myanmar Emergency Response Coordination Unit) တို့နဲ့ ပူးပေါင်းကျင်းပခဲ့တာပါ။

“ဒီပွဲကနေ ရရှိတဲ့ အလှူငွေက ထိုင်းဘတ် ၁၈,၄၄၀ ရရှိခဲ့ပါတယ်။ ဒီငွေကို MERCU နဲ့ Butter Burma တို့ကို ခွဲဝေ လှူဒါန်းသွားမှာပါ" လို့ လူမှုရေး၊ စီးပွားရေးနဲ့ နိုင်ငံရေးအရ နောက်ကောက်ကျနေတဲ့ လူငယ်တွေရဲ့ စွမ်းဆောင်ရည် မြှင့်တင်ရေး လုပ်ဆောင်နေတဲ့ Turning Tables ရဲ့ စီစဉ်သူ ဖီးထယ်က ပြောကြားခဲ့ပါတယ်။

ဒီပွဲမှာ ထိုင်းနဲ့ မြန်မာ အနုပညာရှင်တွေ ဖြစ်ကြတဲ့ Chayanan, Juice Free, Triple Edge FM, Paul Mushi, Born in Burma နဲ့ Dada Sun တို့က ဖျော်ဖြေခဲ့ကြပါတယ်။