ယူရိုပါလိဂ်ပြိုင်ပွဲမှာ စပါးအသင်းက ဘီလ်ဘာအိုနဲ့ မန်ယူအသင်းတွေကို ကျော်ဖြတ်ပြီး ချန်ပီယံဖြစ်ဖို့ ရေပန်းအစားဆုံးအသင်း ဖြစ်လာပါတယ်။
အချက်အလက်ဝက်ဘ်ဆိုက်တခုဖြစ်တဲ့ Opta က စူပါကွန်ပြူတာနဲ့ တွက်ချက် ထုတ်ပြန်ခဲ့တာပါ။
ဆီမီးဖိုင်နယ်မှာ စပါးအသင်းက နော်ဝေကလပ် ဘိုဒိုဂလစ်နဲ့ ယှဉ်ပြိုင်ရမှာဖြစ်ပြီး မန်ယူက စပိန်ကလပ် ဘီလ်ဘာအိုနဲ့ တွေ့ဆုံနေတာပါ။
စူပါကွန်ပြူတာရဲ့ တွက်ချက်ပုံအရ အသင်းတသင်းရဲ့ သမိုင်းအစဉ်အလာနဲ့ နောက်ဆုံးပွဲစဉ်တွေက စွမ်းဆောင်ရည်ကို အသုံးပြုပြီး ပွဲတပွဲချင်းစီရဲ့ ဖြစ်နိုခြေရလဒ်တွေကို တွက်ချက်ပြီး ချန်ပီယံဖြစ်ဖို့ ရာခိုင်နှုန်း သတ်မှတ်တာပါ။
စပါးအသင်းက ဗိုလ်လုပွဲရောက်ဖို့ ၆၆ ဒသမ ၆ ရာခိုင်နှုန်း၊ ချန်ပီယံဖြစ်ဖို့ ၃၄ ဒသမ ၉ ရာခိုင်နှုန်း အထိ သတ်မှတ်ခံရတာပါ။
စပါးအသင်းရဲ့နောက်မှာ ဘီလ်ဘာအိုက ချန်ပီယံဖြစ်ဖို့ ၂၈ ဒသမ ၅ ရာခိုင်နှုန်း၊ မန်ယူအသင်းက ၂၄ ဒသမ ၂ ရာခိုင်နူန်း၊ ဘိုဒိုအသင်းက ၁၂ ဒသမ ၄ ရာခိုင်နှုန်း အသီးသီး သတ်မှတ်ခံခဲ့ရတာ ဖြစ်ပါတယ်။
