ပုသိမ်တွင် ငလျင်ဘေးအတွက် အလှူခံသည့်ပရဟိတ လူငယ်များ အဖမ်းခံရ
DVB
·
April 8, 2025
ဧရာဝတီတိုင်း၊ ပုသိမ်ခရိုင်၊ ပုသိမ်မြို့အမှတ် ၄ ရပ်ကွက် က စိန်ပြည့်လျှံတည်းခိုခန်းရှေ့မှာ ငလျင်ဘေးအတွက် အလှူခံတဲ့ ပရဟိတ လူငယ်တွေ အဖမ်းခံထားရတယ်လို့ ဒေသခံတွေဆီကနေ သိရပါတယ်။
ဧပြီ ၇ ရက်က စိန်ပြည့်လျှံတည်းခိုခန်းရှေ့မှာ ငလျင်ဘေးအတွက် အလှူခံနေတဲ့ ပရဟိတလူငယ်အဖွဲ့ကို စစ်ကောင်စီတပ်က ဖမ်းဆီးခဲ့တာလို့ ဆိုပါတယ်။
ပုသိမ် ဒေသခံတယောက်က “ငလျင်ဘေးအတွက် တည်းခိုခန်းအရှေ့မှာ အလှူခံနေတုန်း အဖမ်းခံရတာမှန်တယ်။ ရာအိမ်မှူးက လာခေါ်သွားပြီးနောက် စကစတပ်က ဖမ်းလိုက်တာ။ သူတို့တည်းခိုခန်းရှေ့ အလှူခံတာကြောင့်ဆိုပြီး တိုင်လို့ ဖမ်းတာ” လို့ ပြောပါတယ်။
ငလျင်ဘေးအတွက် အလှူခံနေတဲ့ အရပ်သား ပရဟိတ လူငယ် ၈ ယောက် အဖမ်းခံထားရပြီး ဘယ်ကိုဖမ်းခေါ်သွားတယ်ဆိုတာ မသိရသေးသလို ဧပြီ ၈ ရက်မနက်အထိ ပြန်မလွတ်သေးဘူးလို့ ဆိုပါတယ်။
