အက်ဖ်အေဖလား ဆီမီးဖိုင်နယ်၌ မန်စီးတီးနှင့် နော်တင်ဟမ်၊ ဗီလာနှင့် ပဲလေ့တို့ တွေ့ဆုံ
DVB
·
April 1, 2025
အင်္ဂလန်အက်ဖ်အေဖလားဆီမီးဖိုင်နယ်မှာ မန်စီးတီးနဲ့ နော်တင်ဟမ်၊ အက်စတန်ဗီလာနဲ့ ခရစ္စတယ်ပဲလေ့ အသင်းတို့ ထိပ်တိုက်တွေ့ဆုံပါတယ်။ မတ် ၃၀ ရက်က ကစားခဲ့တဲ့ ကွာတားဖိုင်နယ်ပွဲစဉ်တွေ အပြီးမှာပဲ မဲခွဲခဲ့တာပါ။
နော်တင်ဟမ်အသင်းဟာ ဘရိုက်တန်အသင်းကို ပင်နယ်တီအဆုံး အဖြတ်မှာ အနိုင်ယူကျော်ဖြတ်လာခဲ့တာဖြစ်ပြီး မန်စီးတီးက ဘုန်းမောက်အသင်းကို ၂ ဂိုး ၁ ဂိုးနဲ့ အနိုင်ရပြီး ဆီမီးဖိုင်နယ်တက်ရောက်လာခဲ့တာပါ။
ဖူဟမ်အသင်းကို ၃ ဂိုး ပြတ်အနိုင်ယူပြီး ဆီမီးဖိုင်နယ် တက်ရောက်လာတဲ့ ခရစ္စတယ်ပဲလေ့အသင်းက ပရက်စ်တန်ကို ၃ ဂိုးပြတ်အနိုင်ရတဲ့ အက်စ်တန်ဗီလာနဲ့ ဝင်ဘလေမှာ တွေ့ဆုံကြမှာပါ။
ဆီမီးဖိုင်နယ်ပွဲစဉ်တွေကို လာမယ့် ဧပြီလ ၂၆ ရက် မှာယှဉ်ပြိုင်ကြမှာဖြစ်ပြီး ဗိုလ်လုပွဲကိုတော့ မေလ ၁၇ ရက်မှာ ယှဉ်ပြိုင်ကစားရမှာ ဖြစ်ပါတယ်။
Source : Reuters
