အာဂျင်တီးနားနှင့် ရှုံးပွဲအပြီး နည်းပြချုပ် ဒိုရီဗယ်ဂျူနီယာကို ဘရာဇီးအသင်း ထုတ်ပယ်
DVB
·
March 29, 2025
ဘရာဇီးဘောလုံးအဖွဲ့ချုပ်ဟာ နည်းပြချုပ် ဒိုရီဗယ်ဂျူနီယာကို ရာထူးကနေ ထုတ်ပယ်လိုက်ပါတယ်။
ကမ္ဘာ့ဖလားခြေစစ်ပွဲမှာ ပြိုင်ဘက် အာဂျင်တီးနားကို ၄ ဂိုး ၁ ဂိုးနဲ့ အရှက်ရဖွယ် ရှုံးနိမ့်ခဲ့ပြီးနောက်မှာ နည်းပြ ဒိုရီဗယ်နဲ့ လမ်းခွဲဖို့ ဆုံးဖြတ်ခဲ့တာပါ။
တောင်အမေရိကဇုန် ကမ္ဘာ့ဖလားခြေစစ်ပွဲမှာ ဘရာဇီးက အဆင့် ၄ နေရာမှာ ရပ်တည်နေပြီး အဆင့် ၇ က ဗင်နီဇွဲလားကို ၆ မှတ်ဖြတ်ထားလို့ ခြေစစ်ပွဲအောင်မြင်သလောက် ဖြစ်နေပေမဲ့ နည်းပြ ဒိုရီဗယ်ကို ထုတ်ပယ်ခဲ့တာပါ။
အသက် ၆၂ နှစ်ရှိ နည်းပြ ဒိုရီဗယ်ဟာ ဘရာဇီးနဲ့ ၁၅ ပွဲ တာဝန်ယူခဲ့ပြီး ၅ ပွဲသာ နိုင်ပွဲရရှိအောင် စွမ်းဆောင်နိုင်ခဲ့တာပါ။
ဘရာဇီးအသင်းဟာ လစ်လပ်သွားတဲ့ နည်းပြချုပ်နေရာအတွက် ရီးရဲလ်မက်ဒရစ်အသင်းက အီတလီနည်းပြကြီး ကားလို့စ်အန်စလော့တီကို ခေါ်ယူခန့်အပ်ဖို့ ကြိုးပမ်းနေပါတယ်။
