အမေရိကန်အသင်းကို ကမ္ဘာ့ဖလားမတိုင်ခင် ပြင်ဆင်ချိန်ရသေးတယ်လို့ နည်းပြပိုချက်တီနိုက ပြောသွားပါတယ်။
အာဂျင်တီးနားနည်းပြဟာ ၂၀၂၄ စက်တင်ဘာလကတည်းက အမေရိကန် လက်ရွေးစင်အသင်းကို စတင်တာဝန်ယူခဲ့ပြီး ပူးတွဲအိမ်ရှင်အဖြစ် ကျင်းပမယ့် ၂၀၂၆ ကမ္ဘာ့ဖလားမှာ အောင်မြင်မှုရဖို့ ရည်မှန်းထားတာပါ။
အမေရိကန်အသင်းဟာ လတ်တလောမှာတော့ ကွန်ကာကပ်ဖ်နေးရှင်းလိဂ်မှာ ပနားမားနဲ့ ကနေဒါအသင်းတွေကို ၂ ပွဲဆက်တိုက် ရှုံးနိမ့်ခဲ့ပြီး နည်းပြပိုချက်တီနိုအပေါ် ဝေဖန်မှုတွေ ရှိလာခဲ့တာပါ။
ပိုချက်တီနိုကတော့ အိမ်ရှင်ကမ္ဘာ့ဖလားမတိုင်ခင်မှာ အသင်းရဲ့ ပြဿနာတွေကို ပြင်ဆင်ချိန်ရရှိမှာ ဖြစ်ပြီး လက်ရှိအချိန်မှာ ရှုံးပွဲတွေဆက်နေတာက ပြင်ဆင်မှုလုပ်ဆောင်ဖို့ အချိန်ကောင်းဖြစ်ကြောင်း ပြောပါတယ်။
အမေရိကန်အသင်းမှာ ကစားသမားကောင်းတွေ ရှိတာကြောင့် ပြိုင်ပွဲကြီးမတိုင်ခင် တနှစ်အလိုမှာ ပြင်ဆင်မှုတွေ ဆက်လက်လုပ်ဆောင်ပြီး အောင်မြင်မှု ရရှိအောင်လုပ်ဆောင်နိုင်မယ်လို့ ယုံကြည်ကြောင်း နည်းပြပိုချက်တီနိုက ပြောသွားပါတယ်။
