ကမ္ဘာ့အဆင့်အနိမ့်ဆုံး ဆန်မာရီနိုအသင်း ကမ္ဘာ့ဖလားဝင်ခွင့် မျှော်လင့်ချက်ရှိလာ
DVB
·
November 20, 2024
ကမ္ဘာ့အဆင့်သတ်မှတ်ချက် အနိမ့်ဆုံးအသင်းဖြစ်တဲ့ ဆန်မာရီနိုအသင်းဟာ နေးရှင်းလိဂ်မှာ တန်းတက်ကစားခွင့် ရရှိခဲ့ပြီးနောက် ၂၀၂၆ ကမ္ဘာ့ဖလားဝင်ခွင့် မျှော်လင့်ချက်ရှိလာပါတယ်။
ဆန်မာရီနိုအသင်းဟာ ကမ္ဘာ့အဆင့် ၂၁၀ သတ်မှတ်ခံထားရပြီး အဆင့်အနိမ့်ဆုံးအသင်း ဖြစ်ပေမဲ့ နေးရှင်းလိဂ် အုပ်စုနောက်ဆုံး ၂ ပွဲမှာ တပွဲသရေ၊ တပွဲနိုင်ခဲ့ပြီးနောက် အုပ်စုပထမရခဲ့ပြီး နေးရှင်းလိဂ် C ဆီ တန်းတက်ခွင့် ရရှိခဲ့တာပါ။
ဥရောပဇုန် ကမ္ဘာ့ဖလားခြေစစ်ပွဲတွေမှာ အုပ်စုပထမနဲ့ ဒုတိယနေရာ မရခဲ့တဲ့ အကောင်းဆုံး နေးရှင်းလိဂ် အုပ်စုဗိုလ်အသင်း ၄ သင်းက ပလေးအော့ဖ် ကစားခွင့် ရရှိမှာပါ။
အဲဒီ ၄ နေရာအတွက် ဆန်မာရီနို၊ မြောက်မက်ဆီဒိုးနီးယား၊ မြောက်အိုင်ယာလန်နဲ့ မော်ဒိုဗာ အသင်းတွေ ကစားခွင့်ရဖို့ရှိပြီး အိမ်ကွင်း၊ အဝေးကွင်း နှစ်ကျော့ကစားအပြီးမှာ အနိုင်ရတဲ့နှစ်သင်းက ၂၀၂၆ ကမ္ဘာ့ဖလားခြေစစ်ပွဲ အောင်မြင်မှာ ဖြစ်ပါတယ်။
