ဟာလန်း၏ ဟတ်ထရစ်နှင့်အတူ နော်ဝေအသင်းက ကာဇက်စတန်ကိုနိုင်ပြီး နောက်တဆင့်တက်
DVB
·
November 18, 2024
နိုဝင်ဘာ ၁၇ ရက် မနေ့ညက ကစားခဲ့တဲ့ နေးရှင်းလိဂ် B နောက်ဆုံးပွဲစဉ်မှာ နော်ဝေက တိုက်စစ်မှူး ဟာလန်းရဲ့ ဟတ်ထရစ် ၃ ဂိုးနဲ့အတူ ကာဇက်စတန်ကို ၅ ဂိုးပြတ်အနိုင်ရပြီး နောက်တဆင့် တက်သွားခဲ့ပါတယ်။
အုပ်စုပြိုင်ဘက် သြစတြီးယားအသင်းက ဆလိုဗေးနီးယားအသင်းနဲ့ တဖက် ၁ ဂိုးစီ သရေကျခဲ့တာကလည်း နော်ဝေအသင်းအတွက် နောက်တဆင့် တက်လှမ်းစေခဲ့တာပါ။
နော်ဝေအတွက် အနိုင်ဂိုးတွေကို ပွဲချိန် ၂၃၊ ၃၇ နဲ့ ၇၁ မိနစ်တွေမှာ ဟာလန်းက ၃ ဂိုးသွင်းခဲ့ပြီး ပွဲချိန် ၄၁ မိနစ်မှာ အက်သလက်တီကိုတိုက်စစ်မှူး ဆိုလော့က ၁ ဂိုး၊ လိုက်ပ်ဇစ်ကြယ်ပွင့် နူဆာက ၁ ဂိုး သွင်းယူခဲ့ကြတာပါ။
အုပ်စုဒုတိယသာရခဲ့တဲ့ မန်ယူနည်းပြဟောင်း ရက်ဖ်ရင်းနစ်ခ်ရဲ့ သြစတြီးယားအသင်းက နေးရှင်းလိဂ် A ဆီ တက်လှမ်းခွင့်အတွက် ခြေစစ်ပွဲ ဆက်လက်ကစားသွားရဦးမှာ ဖြစ်ပါတယ်။
