သီရိလင်္ကာနိုင်ငံဟာ စိုက်ပျိုးရေးကဏ္ဍထဲကဆုံးရှုံးမှုကို ရင်ဆိုင်ရေးအတွက် တိရစ္ဆာန်ဦးရေကို စီမံခန့်ခွဲဖို့ မတ် ၁၅ ရက်ကစပြီး တောရိုင်းတိရစ္ဆာန် သန်းခေါင်စာရင်းကို ကောက်ယူနေပါတယ်။

ကမ္ဘာပေါ်မှာ စတုတ္ထမြောက် အုန်းသီးထုတ်ကုန်အများဆုံးတင်ပို့တဲ့ နိုင်ငံဖြစ်တဲ့ သီရိလင်္ကာနိုင်ငံဟာ နှစ်စဉ် သီဟိုဠ်စေ့နဲ့ တခြား အစေ့အဆန် ၃ ဘီလီယံလောက် ထုတ်လုပ်နေတယ်လို့ ပို့ကုန်ဖွံ့ဖြိုးတိုးတက်ရေး ဘုတ်အဖွဲ့ (EDB) က ဖော်ပြထားပါတယ်။

ဒါပေမဲ့ မျောက်၊ ဥဒေါင်းနဲ့ ရှဥ့်ဘီလူးတို့ရဲ့ သီးနှံတွေကို ဖျက်ဆီးမှုကြောင့် ဟင်းသီးဟင်းရွက်နဲ့ သစ်သီးဝလံတွေနဲ့အတူ အုန်းသီးအထွက်နှုန်းပါ ထိခိုက်ခဲ့တယ်လို့ အစိုးရ ထိပ်တန်းအရာရှိတယောက်က ပြောပါတယ်။ 

“တိရစ္ဆာန်တွေရဲ့ ဖျက်ဆီးမှုကြောင့် စိုက်ပျိုးမြေအများစုကို လျစ်လျူရှုခဲ့ပါတယ်။ လူတွေက လယ်ယာလုပ်ငန်းကို စွန့်လွှတ်တယ်။ တိရစ္ဆာန်တွေက ဆိုးဆိုးရွားရွား ဖျက်ဆီးနေလို့ ငွေသုံးပြီး ကောက်ပဲသီးနှံတွေကို ဂရုမစိုက်တော့တာက အဆိုးရွားဆုံးကိစ္စပဲ” လို့ စိုက်ပျိုးရေးနဲ့ မွေးမြူရေး ဒုဝန်ကြီး နာမယ်လ် ခါရူနာရတ္တနေက ပြောပါတယ်။

“ဒီသန်းခေါင်စာရင်းကောက်ပြီးရင် မျောက်တွေ၊ ဒေါင်းနဲ့ ရှဥ့်ကြီးတွေ ဘယ်လောက်ရှိတယ်ဆိုတာ တွေးကြည့်မယ်။ ဖြေရှင်းချက်တွေကို ရှာဖို့အတွက် အဲဒီစာရင်းဇယားတွေ လိုအပ်ပါတယ်” လို့ သူက ဆက်ပြောပါတယ်။

ဖေဖော်ဝါရီလက မျောက်တကောင်ကြောင့် နိုင်ငံတစ်ဝန်း ၃ ရက်ကြာ လျှပ်စစ်မီး ပြတ်ခဲ့ပြီးတဲ့နောက် စနေနေ့မှာ သန်းခေါင်စာရင်း ကောက်ယူခဲ့တာပါ။ 

စိုက်ပျိုးရေးဟာ သီရိလင်္ကာနိုင်ငံ စီးပွားရေးရဲ့ ၈ ရာခိုင်နှုန်းကို ပံ့ပိုးနေပြီး လူ ၈ သန်းကျော်ကို အလုပ်အကိုင် ဖန်တီးပေးထားတယ်လို့ အစိုးရ သတင်းအချက်အလက်တွေက ဖော်ပြထားပါတယ်။

Source: Reuters