၂၀၂၄ ခုနှစ်က ချဲလ်ဆီးအသင်း လူစာရင်းဟာ ဘောလုံးသမိုင်းတလျှောက် တန်ဖိုးအမြင့်ဆုံး လူစာရင်းအဖြစ် စံချိန်သစ်တင်ခဲ့ပါတယ်။
ယူအီးအက်ဖ်အေရဲ့ ဘဏ္ဍာရေးနဲ့ ရင်းနှီးမြှုပ်နှံမှုဌာနရဲ့ နောက်ဆုံးထုတ်ပြန်ချက်အရ ၂၀၂၄ ခုနှစ်က ချဲလ်ဆီးအသင်း လူစာရင်းတန်ဖိုးက ပေါင် ၁ ဒသမ ၃၉ ဘီလီယံ ရှိခဲ့ပြီး ၂၀၂၀ ပြည့်နှစ်က စံချိန်တင်ထားတဲ့ ရီးရဲလ်မက်ဒရစ်အသင်းရဲ့ ပေါင် ၁ ဒသမ ၁၂ ဘီလီယံ လူစာရင်းကို ကျော်ဖြတ်ခဲ့တာပါ။
ဒါ့အပြင် လုပ်ခအများဆုံး ပေးချေနေရတဲ့ ထိပ်ဆုံးအသင်း ၂၀ မှာ ပရီးမီးယားလိဂ်က အသင်း ၉ သင်းအထိ ပါဝင်ခဲ့ပြီး ဝက်စ်ဟမ်းအသင်းရဲ့ လုပ်ခပေးချေမှု စုစုပေါင်းတန်ဖိုးက ဘာစီလိုနာနဲ့ အေစီမီလန်အသင်းတွေထက် ပိုပြီး များပြားခဲ့တယ်လို့ သိရပါတယ်။
ကစားသမားတွေအတွက် လုပ်ခပမာဏဟာလည်း ၂၀၂၃ ခုနှစ်ကထက် ၄ ဒသမ ၅ ရာခိုင်နှုန်း ပိုများလာခဲ့ပြီး အက်စ်တန်ဗီလာက မနှစ်ကထက် ၉၁ ရာခိုင်နှုန်းအထိ လုပ်ခပေးချေမှု ပိုများခဲ့ပါတယ်။
Photo: Reuters
