တရုတ်သမ္မတ ရှီကျင့်ဖျင်ဟာ တရုတ်နိုင်ငံ အရှေ့မြောက်ဘက် လျောင်နင်းပြည်နယ်က ရွာတရွာမှာနေတဲ့ ရေကြီးရေလျှံမှုဒဏ် ခံရသူတွေကို သွားရောက်ကြည့်ရှုခဲ့ပြီး ပြည်သူတွေဟာ အခက်ခဲဆုံးအချိန်တွေမှာ ပါတီနဲ့ အစိုးရကို အမြဲအားကိုးနိုင်တယ်လို့ ပြောခဲ့ပါတယ်။

တရုတ်ကွန်မြူနစ်ပါတီ (CPC) ဗဟိုကော်မတီရဲ့ အထွေထွေအတွင်းရေးမှူး ရှီဟာ တရုတ်နှစ်သစ်ကူး နွေဦးပွဲတော်မတိုင်မီ တရုတ်လူမျိုးတွေအတွက် အရေးအကြီးဆုံး ပွဲတော်မတိုင်မီ စွေ့ကျုံးမြို့နယ် ဟူလူဒေါင်မြို့ရဲ့ အုပ်ချုပ်မှုအောက်မှာရှိတဲ့ ကျူးကျားကို့ရွာဆီ ခရီးထွက်ခဲ့ပါတယ်။

ဇန်နဝါရီ ၂၉ ရက်မှာ ကျရောက်မယ့် တရုတ်နှစ်သစ်ကူးနေ့ မတိုင်မီ ဟူလူဒေါင်မြို့ဟာ ၂၀၂၄ ခုနှစ်မှာ နွေရာသီ ရေလွှမ်းမိုးမှုဒဏ် အခံရဆုံးမြို့တွေထဲက တမြို့ဖြစ်ပြီး အနိမ့်ပိုင်းဖြစ်တဲ့ ကျူးကျားကို့ရွာဟာ အဆိုးရွားဆုံး အထိခိုက်ဆုံး ဒေသတွေထဲက တခုဖြစ်ပါတယ်။

ရှီဟာ ကျေးရွာအတွင်း သဘာဝဘေးနဲ့ အရေးပေါ်တုံ့ပြန်မှု အခြေအနေတွေကို လေ့လာခဲ့ပြီး သဘာဝဘေးအန္တရာယ်အပြီး ပြန်လည်ထူထောင်ရေးနဲ့ ပြန်လည်တည်ဆောက်ရေး တိုးတက်မှုကို ကြည့်ရှုစစ်ဆေးခဲ့ပါတယ်။

ဒေသခံတွေရဲ့ အသက်မွေးဝမ်းကြောင်းနဲ့ ထုတ်လုပ်မှုဆိုင်ရာ အစီအစဉ်တွေ လုပ်ဖို့နဲ့ ဆောင်းရာသီမှာ နွေးနွေးထွေးထွေး ရှိစေဖို့ ဒေသန္တရ တာဝန်ရှိသူတွေကို ရှီက တိုက်တွန်းခဲ့ပါတယ်။

အခုဆောင်းရာသီမတိုင်မီက အိမ်သစ်ကို ပြောင်းရွှေ့လာခဲ့ကြတဲ့ ရွာသားတွေကို ရှီက ပြန်ဆောက်ပေးထားတဲ့ အိမ်တွေရဲ့ အရည်အသွေးနဲ့ နေ့စဉ်နေထိုင်မှု အခြေအနေတွေ လုံလောက်မှုရှိမရှိကို မေးမြန်းခဲ့ပါတယ်။

ရွာသားတွေကလည်း သူတို့ရဲ့ မျှော်လင့်ချက်တွေကို ပါတီနဲ့ အစိုးရတို့ကို မျှဝေခဲ့ကြပြီး ပိုကောင်းတဲ့ အနာဂတ်ဆီ  ဆက်သွားဖို့ အားပေးတိုက်တွန်းတယ်လို့ ရှီက ပြောခဲ့ပါတယ်။

Source : Reuters