မန်ယူနည်းပြဟောင်း တန်ဟတ်ဂ် ဒေါ့မွန်နည်းပြဖြစ်လာနိုင်ဟု သတင်းထွက်
DVB
·
January 16, 2025
မန်ယူနည်းပြဟောင်း အဲရစ်တန်ဟတ်ဂ်ဟာ ဂျာမန်ကလပ် ဒေါ့မွန်အသင်းရဲ့ နည်းပြဖြစ်လာနိုင်တယ်လို့ သတင်းထွက်ပေါ်လာပါတယ်။
ဟော်လန်နည်းပြဟာ မန်ယူအသင်းကနေ ထုတ်ပယ်ခံရပြီးနောက် အသင်းလက်မဲ့ ဖြစ်နေတာပါ။ ပြီးခဲ့တဲ့လပိုင်းကတည်းက ဒေါ့မွန်အသင်းရဲ့ ပွဲစဉ်တွေကို အသင်းတာဝန်ရှိသူတွေနဲ့အတူ ကြည့်ရှုလေ့ရှိပါတယ်။
ဒေါ့မွန်က လီဗာကူဆင်ကို ၃ ဂိုး ၂ ဂိုးနဲ့ အရေးနိမ့်တဲ့ပွဲမှာလည်း အသင်းဈေးကွက်ဒါရိုက်တာ၊ နည်းစနစ်ဒါရိုက်တာတို့နဲ့အတူ ကြည့်ရှုအားပေးခဲ့ပါတယ်။
ဒေါ့မွန်အသင်းကို လူငယ်နည်းပြ နူဆာဟင်က တာဝန်ယူနေပြီး ရလဒ်မကောင်းဘဲ ဖြစ်နေတာကြောင့် နည်းပြတန်ဟတ်ဂ်ကို အစားထိုးခန့်အပ်နိုင်ကြောင်း သတင်းထွက်ပေါ်လာခဲ့တာ ဖြစ်ပါတယ်။
