နည်းပြအာမိုရင်၏ အစီအစဉ်ကို မယုံကြည်စရာ အကြောင်းမရှိဟု ဖာနန်ဒက်စ်ပြော
DVB
·
January 15, 2025
နည်းပြအာမိုရင်ရဲ့ ကစားကွက် အစီအစဉ်တွေအပေါ် မယုံကြည်စရာ အကြောင်းမရှိကြောင်း အသင်းခေါင်းဆောင် ဖာနန်ဒက်စ်က ပြောသွားပါတယ်။
မန်ယူအသင်းဟာ နည်းပြသစ် အာမိုရင်လက်အောက်မှာ ၃ ယောက်တန်းခံစစ်နဲ့ ကစားနေပြီး ရလဒ်မကောင်းချိန်မှာ ကစားကွက်ခင်းကျင်းမှုအပေါ် ဝေဖန်ထောက်ပြမှုတွေ ရှိခဲ့တာပါ။
အသင်းခေါင်းဆောင် ဖာနန်ဒက်စ်ကတော့ ရလဒ်မကောင်းချိန်မှာ ဝေဖန်ဖို့က လွယ်ကူကြောင်း၊ အသင်းနည်းပြမှာ ကိုယ်ပိုင်ဘောလုံးအတွေးအခေါ်ရှိပြီး ကစားသမားတွေဘက်ကလည်း နားလည်လက်ခံမှုနဲ့ ယုံကြည်မှုရှိကြောင်း ပြောပါတယ်။
အသင်းတိုက်စစ်ပိုင်းက ဂိုးတွေ ပိုမိုသွင်းယူနိုင်ဖို့လိုတယ် ဆိုတာကိုလည်း နည်းပြအာမိုရင်က ပြောပြထားပြီး အသင်းသားအားလုံးကလည်း လက်ခံကြောင်း၊ အသင်းတိုက်စစ်ပိုင်းက လူငယ်တွေများပေမဲ့ အားလုံးက ဂိုးသွင်းယူနိုင်စွမ်းရှိကြတဲ့ သူတွေချည်းဖြစ်ကြောင်း ဖာနန်ဒက်စ်က ပြောသွားပါတယ်။
