နည်းပြ အာမိုရင်ဟာ မန်ယူနည်းပြရာထူးနှင့် ထိုက်တန်သူဖြစ်ဟု နည်းပြအာတေတာ ချီးကျူး
DVB
·
January 12, 2025
နည်းပြအာမိုရင်ဟာ မန်ယူနည်းပြရာထူးနဲ့ ထိုက်တန်တဲ့အရည်အချင်းရှိကြောင်း ပြိုင်ဘက် အာဆင်နယ် နည်းပြအာတေတာက ချီးကျူးသွားပါတယ်။
အက်ဖ်အေဖလားပွဲစဉ်မတိုင်ခင် ပွဲကြို သတင်းစာရှင်းလင်းပွဲမှာ ပြိုင်ဘက်အသင်း နည်းပြအာမိုရင်အပေါ် မှတ်ချက်ပေးရာမှာ နည်းပြအာတေတာက ချီးကျူးစကားဆိုခဲ့တာပါ။
စပို့တင်းလစ္စဘွန်းမှာရှိစဉ်ကတည်းက နည်းပြအာမိုရင်ကို ကောင်းကောင်းသိပြီး မန်ယူအသင်းဆီပြောင်းရွှေ့လာတာက ကြီးမားတဲ့ရည်မှန်းချက်ကြောင့် ဖြစ်ကြောင်း၊ မန်ယူနည်းပြရာထူးနဲ့လည်း ထိုက်တန်သူဖြစ်ကြောင်း အာတေတာကပြောပါတယ်။
နည်းပြတိုင်းဟာ သူ့ရည်မှန်းချက်နဲ့ သူ အသင်းတွေကို တာဝန်ယူကြတာဖြစ်ပြီး အသင်းတသင်းကို ပြန်လည်တည်ဆောက်ဖို့ဆိုတဲ့ ရည်မှန်းချက်ကတော့ အချိန်ယူရမှာဖြစ်ကြောင်း နည်းပြအာတေတာက ပြောသွားပါတယ်။
