ဆာလာလက်သစ် အိုမာမာမွတ်ကို ပေါင်သန်း ၅၀ ဖြင့်ခေါ်ယူရန် မန်စီးတီး နီးစပ်လာ
DVB
·
January 11, 2025
မန်စီးတီးအသင်းဟာ မိုဆာလာ လက်သစ်လို့ လူသိများတဲ့ အိုမာမာမွတ်ကို ပေါင်သန်း ၅၀ နဲ့ ခေါ်ယူနိုင်ဖို့ နီးစပ်လာပါတယ်။
အီဂျစ်တိုက်စစ်ကစားသမား မာမွတ်ဟာ ဘွန်ဒက်စ်လီဂါကလပ် ဖရန့်ဖတ်မှာ ခြေစွမ်းပြနေပြီး ပြိုင်ပွဲစုံ ၂၄ ပွဲကစားအပြီးမှာ ၁၈ ဂိုးသွင်း ၁၁ ကြိမ်ဂိုးဖန်တီးထားသူပါ။
ဆာလာကိုယ်တိုင်က မာမွတ်ရဲ့ခြေစွမ်းကို ချီးကျူးခဲ့ဖူးပြီး သူနဲ့ နှိုင်းယှဉ်တာမျိုး မလုပ်တာက မာမွတ်အတွက် ကောင်းမွန်လိမ့်မယ်လို ဆာလာက ပြောဖူးပါတယ်။
မန်စီးတီးအသင်းဟာ မာမွတ်အတွက် မိခင်ကလပ် ဖရန့်ဖတ်နဲ့ ဆွေးနွေးညှိနှိုင်းနေပြီး သဘောတူညီမှုရယူနိုင်ဖို့ နီးစပ်လာပြီလို့ သတင်းတွေမှာဖော်ပြကြပါတယ်။
အသက် ၂၅ နှစ်ရှိ အီဂျစ်လက်ရွေးစင်မာမွတ်ဟာ ဝုဗ်ဘတ် လူငယ်အသင်းကနေ ပေါ်ထွက်လာသူဖြစ်ပြီး စိန့်ပေါ်လီ၊ စတုဂတ်အသင်းတွေမှာလည်း ပြောင်းရွှေ့ကစားခဲ့ဖူးပါတယ်။
Photo-Reuters
