ပရီးမီးယားလိဂ် ချန်ပီယံဖြစ်ဖို့ အခွင့်အရေးမရှိတော့ကြောင်း မန်စီးတီးနည်းပြ ပတ်ဂွါဒီယိုလာက ဝန်ခံ ပြောသွားပါတယ်။

ဒီဇင်ဘာ ၃၀ ရက် မနက်ပိုင်းက ကစားခဲ့တဲ့ လက်စတာနဲ့ပွဲစဉ်မှာ နိုင်ပွဲပြန်လည်ရရှိခဲ့ပေမဲ့ ချန်ပီယံဆု ရယူနိုင်ဖို့တော့ အခွင့်အရေးမရှိတော့ကြောင်း နည်းပြဂွါဒီယိုလာက ပြောပါတယ်။

ချန်ပီယံအခွင့်အလမ်း မရှိတော့တာကို လက်ခံသွားရမှာဖြစ်ပေမဲ့ အက်ဖ်အေဖလားနဲ့ ထိပ်ဆုံး ၄ သင်းစာရင်း ဝင်နိုင်ရေးအတွက်တော့ ဆက်လက်တိုက်ပွဲဝင်သွားဖို့ လိုအပ်ကြောင်း၊ အသင်းရဲ့ နေရာတချို့မှာ အကူအညီလိုအပ်တာကြောင့် လာမယ့် ဇန်နဝါရီ အပြောင်းအရွှေ့မှာ  ကစားသမားသစ် ခေါ်ယူသွားဖို့ရှိကြောင်း ဂွါဒီယိုလာက ပြောသွားပါတယ်။

မန်စီးတီးဟာ အဆင့် ၁ က လီဗာပူးထက် တပွဲပိုကစားထားပေမဲ့ ၁၄ မှတ်အထိ ကွာဟနေပြီး အဆင့် ၅ မှာ ရပ်တည်နေပါတယ်။