မန်ယူနှင့် စာချုပ်သက်တမ်းတိုးရန် ဆွေးနွေးနေဟု နောက်ခံလူ မက်ဂွဲယား ပြော
DVB
·
December 18, 2024
မန်ယူအသင်းနဲ့ စာချုပ်သက်တမ်းတိုးဖို့ ဆွေးနွေးနေတယ်လို့ နောက်ခံလူ မက်ဂွဲယားက အတည်ပြုသွားပါတယ်။
အင်္ဂလန်နောက်ခံလူဟာ အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာဖြစ်ပြီး မန်ယူအသင်းက နောက်ထပ်တနှစ် သက်တမ်းတိုးခွင့်ရှိနေတာပါ။
မက်ဂွဲယားဟာ တပတ်လုပ်ခ ပေါင် ၁၉၀,၀၀၀ ရရှိနေပြီး စာချုပ်သက်တမ်းတိုးဖို့ အသင်းနဲ့ စကားပြောဆိုမှုတွေ အပြုသဘောဆောင်နေပြီး စာချုပ်ကိစ္စကို အများကြီးမစဉ်းစားသေးကြောင်း မက်ဂွဲယားက ပြောပါတယ်။
မန်ယူအသင်းခေါင်းဆောင် ဖြစ်ခဲ့တဲ့ မက်ဂွဲယားဟာ နည်းပြသစ် အာမိုရင်ရဲ့နည်းစနစ်၊ နည်းဗျူဟာပိုင်းကိုလည်း ချီးကျူးခဲ့ပြီး အာမိုရင်ဟာ ပေါ်တူဂီလိဂ်မှာ ဆုဖလားရယူနိုင်သူဆိုတာ သက်သေပြခဲ့ပြီးသား နည်းပြဖြစ်ကြောင်း မက်ဂွဲယားက ပြောသွားပါတယ်။
