ရာနှုန်းပြည့်နိုင်ပွဲရခဲ့သည့် လီဗာပူးအသင်း ချန်ပီယံလိဂ် ၁၆ သင်းအဆင့် တက်ရောက်
DVB
·
December 11, 2024
ချန်ပီယံလိဂ်မှာ ရာနှုန်းပြည့်နိုင်ပွဲရခဲ့တဲ့ လီဗာပူးအသင်းဟာ ထိပ်ဆုံး ၈ သင်းစာရင်းဝင်ဖို့ သေချာသွားတာကြောင့် ချန်ပီယံလိဂ် ၁၆ သင်းအဆင့်ကို တက်ရောက်သွားပါတယ်။
မနေ့ညက ကစားခဲ့တဲ့ စပိန်ကလပ် ဂျီရိုနာနဲ့ပွဲမှာ ဆာလာရဲ့ ပင်နယ်တီသွင်းဂိုးနဲ့ အနိုင်ရခဲ့တဲ့ လီဗာပူးအသင်းဟာ ချန်ပီယံလိဂ် ၆ ပွဲကစားအပြီးမှာ ၆ ပွဲစလုံးအနိုင်ရခဲ့တာပါ။
လက်ကျန် ၂ ပွဲ ကစားဖို့ ကျန်ရှိနေချိန်မှာ အဆင့် ၉ နေရာက အက်တလန်တာအသင်းကို ၆ မှတ်ဖြတ်ထားတာကြောင့် အဆင့် ၈ အတွင်းဝင်ဖို့ သေချာခဲ့ပြီး ၁၆ သင်းအဆင့်တက်ဖို့လည်း သေချာသွားခဲ့တာပါ။
လီဗာပူးဟာ လက်ကျန် ၂ ပွဲမှာ လိုင်လီ၊ ပီအက်စ်ဗွီ အသင်းတွေနဲ့ လာမယ့် ဇန်နဝါရီလအတွင်းမှာ ယှဉ်ပြိုင်သွားရမှာ ဖြစ်ပါတယ်။
