စပါးကို ခြေစွမ်းပြအနိုင်ရသည့် ချဲလ်ဆီးအသင်း လီဗာပူးကို ဖိအားပေး
DVB
·
December 9, 2024
မနေ့ညက ကစားသွားတဲ့ ပရီးမီးယားလိဂ်ပွဲစဉ်မှာ ချဲလ်ဆီးအသင်းက စပါးအသင်းကို အနိုင်ယူပြီး ဦးဆောင်သူ လီဗာပူးကို ဖိအားပေးနိုင်ခဲ့ပါတယ်။
စပါးအသင်းက ဦးဆောင်ဂိုး ၂ ဂိုး အရင်ရခဲ့ပေမဲ့ ချဲလ်ဆီးအသင်းချေပဂိုးနဲ့ အနိုင်ဂိုးတွေ သွင်းပြီး ၄ ဂိုး ၃ ဂိုးနဲ့ အနိုင်ရခဲ့တာပါ။
ချဲလ်ဆီးအတွက် ဂိုးတွေကို ပါလ်မာက ပင်နယ်တီ ၂ ဂိုး၊ ဆန်ချို၊ ဖာနန်ဒက်ဇ်တို့က တဂိုးစီ သွင်းယူခဲ့ကြတာပါ။
ဒီနိုင်ပွဲကြောင့် ချဲလ်ဆီးအသင်းက အမှတ်ပေးဇယားဦးဆောင်သူ လီဗာပူးထက် တပွဲပိုကစားပြီး ၄ မှတ် အကွာနဲ့ ဖိအားပေးနိုင်ခဲ့ပါတယ်။
တခြားပွဲစဉ်မှာ အာဆင်နယ်က ဖူဟမ်နဲ့ တဂိုးစီသရေကျသွားလို့ လီဗာပူးကို အနီးကပ် ဖိအားပေးနိုင်မယ့် အခွင့်အရေး လက်လွှတ်ခဲ့ရပါတယ်။
