၁၄ နှစ်အရွယ် အိုဒီဂတ်လက်သစ် ကစားသမားကို အာဆင်နယ် ခေါ်ယူလေ့ကျင့်
DVB
·
December 4, 2024
အာဆင်နယ်အသင်းဟာ အကယ်ဒမီအသင်းက အသက် ၁၄ နှစ်အရွယ် ကစားသမားကို စီနီယာအသင်းကြီးနဲ့အတူ ပူးပေါင်းလေ့ကျင့်စေခဲ့ပါတယ်။
မက်ဒေါ်မန်လို့ ခေါ်တဲ့ ၁၄ နှစ်အရွယ် လူငယ်ကစားသမားဟာ အရပ် ၅ ပေ ၇ လက်မ အမြင့်ရှိပြီး သူ့ရဲ့အသက်အရွယ်ထက် ပိုမို ရုပ်ပိုင်းဆိုင်ရာ ကြံ့ခိုင်မှုရှိသူပါ။
အသင်းခေါင်းဆောင် အိုဒီဂတ်လို ကစားဟန်ရှိတာကြောင့် အိုဒီဂတ်လက်သစ်လို့လည်း ခေါ်ကြပြီး အင်္ဂလန် ယူ-၁၇ လက်ရွေးစင်အသင်းမှာလည်း ပါဝင်နေသူပါ။
စပို့တင်းလစ္စဘွန်း ယူ-၁၉ နဲ့ ကစားခဲ့တဲ့ ယူအီးအက်ဖ်အေ လူငယ်လိဂ်မှာ မက်ဒေါ်မန်က အိုဒီဂတ်လိုမျိုး အသင်းရဲ့ ကွင်းလယ်ညာခြမ်းမှာ ပွဲထွက်ကစားခဲ့ပါတယ်။
လာမယ့် ဒီဇင်ဘာ ၃၁ ရက်မှာ ၁၅ နှစ်ပြည့်မယ့် မက်ဒေါ်မန်ကို တခြား ပရီးမီးယားလိဂ် အသင်းတွေကလည်း ခေါ်ယူဖို့ ကြိုးပမ်းမှုတွေရှိနေတယ်လို့ သိရပါတယ်။
Photo: Reuters
