အော်ရီရှနစ်ဒုံးကျည်သစ်ဟာ အရာအားလုံးကို အမှုန့်ဖြစ်စေနိုင်ကြောင်း ရုရှားသမ္မတ ပူတင်က ပြောကြားခဲ့ပါတယ်။
ရုရှားဟာ ယူကရိန်းက အမေရိကန်လုပ် တာဝေးပစ်ဒုံးကျည်တွေ အသုံးပြုပြီးနောက် အော်ရီရှနစ်ဒုံးကျည်တွေ အသုံးပြုခဲ့တာဖြစ်ပါတယ်။
အော်ရီရှနစ်ဒုံးကျည်ဟာ နျူးကလီးယားလက်နက်လိုပဲ ဖျက်ဆီးနိုင်မှုစွမ်းအား ကြီးပြီး အငယ်ဆုံး အစိတ်အပိုင်းအထိ ဖျက်ဆီးနိုင်စွမ်းရှိတယ်လို့ ပူတင်က ဆိုပါတယ်။
ဒီလို အဖျက်စွမ်းအားကြီးပေမဲ့ အော်ရီရှနစ်ဒုံးကျည်မှာ နျူးကလီးယားထိပ်ဖူး ဒါမှမဟုတ် ရေဒီယိုသတ္တိကြွစေမှုတွေ မရှိဘူးလို့ သူက ဆိုထားပါတယ်။
ပူတင်က ကာဇက်စတန် အက်တာနာမှာ ရုရှားက ဦးဆောင်ပြုလုပ်တဲ့ စုပေါင်းလုံခြုံရေး စာချုပ်အဖွဲ့ CSTO အစည်းအဝေးမှာ အော်ရီရှနစ်ဒုံးကျည်အကြောင်း ပြောဆိုခဲ့တာ ဖြစ်ပါတယ်။
အနောက်နိုင်ငံ လုံခြုံရေးကျွမ်းကျင်သူတွေက အော်ရီရှနစ်ဒုံးကျည်လိုမျိုး ရုရှားရဲ့ အမြောက်တွေမှာ နျူးကလီးယားထိပ်ဖူး တပ်ဆင်နိုင်ဖွယ်ရှိတယ်လို့ ဆိုပါတယ်။
နိုဝင်ဘာ ၂၁ ရက်က ပစ်လွှတ်လိုက်တဲ့ အော်ရီရှနစ်ဒုံးကျည်ဟာ ၁ နာရီအမြန်နှုန်း မိုင် ၈,၄၅၀ အထိရှိတဲ့ အမြန်ဆုံးအဆင့်ကို ရောက်ခဲ့တယ်လို့ ယူကရိန်းက ဆိုပါတယ်။
ရုရှားကပစ်လိုက်တဲ့ အော်ရီရှနစ်ဒုံးကျည်ထိပ်ဖူးမှာ ပေါက်ပွဲစေတဲ့ ထိပ်ဖူးမဟုတ်ဘဲ သာမန်ထိပ်ဖူးသာဖြစ်ကြောင်း ဆိုပါတယ်။
ရုရှားက အသုံးပြုလိုက်တဲ့ ဒုံးကျည်သစ်ဖြစ်တဲ့ အော်ရီရှနစ်ဒုံးကျည်မှာ ထိပ်ဖူး ၆ ခုပါဝင်ပြီး ဖျက်ဆီးနိုင်မှုစွမ်းအား အကန့်အသတ်ရှိကြောင်း အနောက်နိုင်ငံရှိ စစ်ရေးကျွမ်းကျင်သူတွေက ဆိုထားပါတယ်။
Source : Reuters
