နည်းပြ အာမိုရင် ရောက်ရှိလာမှာကို ဂွါဒီယိုလာ ကြောက်ရွံ့နေလိမ့်မည်ဟု ဖာဒီနန် အရွှန်းဖောက်
DVB
·
November 10, 2024
မန်ယူအသင်းဆီ နည်းပြအာမိုရင် ရောက်ရှိလာမှာကို ပြိုင်ဘက် မန်စီးတီးနည်းပြ ဂွါဒီယိုလာ ကြောက်ရွံ့နေလိမ့်မယ်လို့ နောက်ခံလူဟောင်းဖာဒီနန်က အရွှန်းဖောက်သွားပါတယ်။
စပို့တင်းနည်းပြ အာမိုရင်ဟာ မန်ယူအသင်းဆီ မပြောင်းရွှေ့ခင် မန်စီးတီးနဲ့ ချန်ပီယံလိဂ်မှာ တွေ့ဆုံခဲ့ရာမှာ ၄ ဂိုး ၁ ဂိုးနဲ့ အနိုင်ရခဲ့တာပါ။
TNT Sport နဲ့ အင်တာဗျူးအစီအစဉ်မှာ နည်းပြအာမိုရင်ရဲ့ စပို့တင်းအသင်းဟာ ပေါက်ကွဲအားပြင်းထန်ပြီး စိတ်လှုပ်ရှားစရာကောင်းတဲ့အသင်းဖြစ်ကြောင်း ချီးကျူးသွားခဲ့ပြီး နည်းပြ အာမိုရင် မန်ယူအသင်းဆီ ရောက်ရှိလာမှာကို နည်းပြဂွါဒီယိုလာ ကြောက်ရွံ့နေလိမ့်မယ်လို့ ဟာသနှောပြီး ပြောသွားခဲ့တာပါ။
မန်ယူအသင်းမှာ စပို့တင်းအသင်းလို ပေါက်ကွဲအားပြင်းထန်မှု အားနည်းနေတာကြောင့် နည်းပြအာမိုရင် ရောက်ရှိလာမှာက အလွန်စိတ်လှုပ်ရှားစရာကောင်းကြောင်း ဖာဒီနန် က ပြောသွားပါတယ်။
