အာဆင်နယ်အသင်း ချန်ပီယံဆုကို စိန်ခေါ်နိုင်ရန် လုံလောက်မှုမရှိကြောင်း အွန်နရီသုံးသပ်
DVB
·
November 8, 2024
အာဆင်နယ်အသင်းအနေနဲ့ ချန်ပီယံဆုကို စိန်ခေါ်နိုင်ဖို့ လုံလောက်မှုမရှိကြောင်း အသင်းဂန္ထဝင် တိုက်စစ်မှူး အွန်နရီက ပြောသွားပါတယ်။
အာဆင်နယ်ဟာ နောက်ဆုံးကစားခဲ့တဲ့ အင်တာမီလန်နဲ့ ချန်ပီယံလိဂ်ပွဲမှာလည်း ရှုံးနိမ့်ခဲ့ပြီး ပရီးမီးယားလိဂ် ၃ ပွဲဆက်တိုက် နိုင်ပွဲပျောက်ဆုံးခဲ့တာပါ။
လက်ရှိ အာဆင်နယ်အသင်းရဲ့စွမ်းဆောင်ရည်က ချန်ပီယံစိန်ခေါ်နိုင်ဖို့ လုံလောက်မှု မရှိသေးတာကို တွေ့မြင်နိုင်ကြောင်း၊ ချန်ပီယံပြေးလမ်းမှာ မန်စီးတီးနဲ့ လီဗာပူး ၂ သင်းစလုံးခြေချော်ဖို့က ခက်ခဲကြောင်း အွန်နရီကပြောပါတယ်။
အာဆင်နယ်အနေနဲ့ ချဲလ်ဆီးနဲ့ အဝေးကွင်းပွဲစဉ်က အသင်းရဲ့စွမ်းဆောင်ရည်ကို ထပ်မံ အကဲခတ်မယ့်ပွဲဖြစ်တယ်လို့လည်း အွန်နရီက ပြောသွားပါတယ်။
Photo- Reuters
