အင်တာမီလန်နဲ့ ကစားခဲ့တဲ့ ချန်ပီယံလိဂ်ပွဲမှာ ဒိုင်ရဲ့ ဆုံးဖြတ်ချက် ပြင်းထန်ကြောင်း အာဆင်နယ်နည်းပြ အာတီတာက ဝေဖန်ခဲ့ပါတယ်။
အင်တာမီလန်အသင်းကို ပင်နယ်တီနဲ့ ရှုံးနိမ့်ခဲ့တဲ့ အာဆင်နယ်အသင်းဟာ နောက်ဆုံး ၄ ပွဲမှာ ၃ ပွဲနိုင်ပွဲ ပျောက်ခဲ့တာလည်း ဖြစ်ပါတယ်။
ပရီးမီးယားလိဂ်မှာ နယူးကာဆယ်ကို ရှုံးနိမ့်ခဲ့တဲ့ အာဆင်နယ်ဟာ အင်တာမီလန်ကို ရှုံးနိမ့်ခဲ့တာကြောင့် ဥရောပပြိုင်ပွဲ ပထမဆုံးရှုံးပွဲနဲ့ ကြုံတွေ့ခဲ့ရတာ ဖြစ်ပါတယ်။
ပြီးခဲ့တဲ့ပွဲမှာ ကွင်းလယ်လူ မီခေးလ်မီရီနို လက်ထိခဲ့လို့ ဒိုင်လူကြီးက ပင်နယ်တီပေးခဲ့တာကြောင့် အာဆင်နယ်အသင်း ရှုံးပွဲဆက်ခဲ့တာ ဖြစ်ပါတယ်။
“ပြီးခဲ့တဲ့ မီရီနိုကို အင်တာဂိုးသမားက လက်သီးနဲ့ ထိုးခဲ့တဲ့ အဖြစ်အပျက်ကိုတော့ ပင်နယ်တီမပေးခဲ့ပါဘူး။ ၂ ဘက်စလုံး ပင်နယ်တီရသင့်ပါတယ်။ ကျနော်တို့ အသင်းအပေါ်ဒိုင်ရဲ့ ဆုံးဖြတ်ချက်က ပြင်းထန်လွန်းပါတယ်” လို့ အာတီတာက ပြောပါတယ်။
အာဆင်နယ်အသင်းဟာ ချန်ပီယံလိဂ်အဖွင့်ပွဲစဉ်မှာ အတ္တလန်တာနဲ့ သရေကျခဲ့ပြီး ဒုတိယပွဲမှာ ပီအက်စ်ဂျီကို အနိုင်ရခဲ့ကာ တတိယပွဲမှာ ရှက်တာဒိုးနက်ကို အနိုင်ရထားပါတယ်။
လက်ရှိအချိန်မှာ အာဆင်နယ်အသင်းဟာ ချန်ပီယံလိဂ်အမှတ်ပေးဇယားရပ်တည်မှုမှာ အဆင့် ၁၂ နေရာကို ရောက်နေပါတယ်။
အာဆင်နယ်အသင်းဟာ ချန်ပီယံလိဂ်လက်ကျန် ၄ ပွဲမှာ စပိုးတင်း၊ မိုနာကို၊ ဒိုင်နမိုဇာဂရက်၊ ဂျီနို အာအသင်းတို့နဲ့ ကစားရမှာဖြစ်ပါတယ်။
Photo-Reuters
