လာမည့်နွေရာသီတွင် တိုက်စစ်မှူး ယိုကာရက်စ် အသင်းပြောင်းနိုင်ကြောင်း အာမိုရင် ပြော
DVB
·
November 7, 2024
လာမယ့်နွေရာသီအပြောင်းအရွှေ့မှာ တိုက်စစ်မှူး ယိုကာရက်စ် အသင်းပြောင်းရွှေ့နိုင်ကြောင်း စပို့တင်း နည်းပြအာမိုရင်က ပြောသွားပါတယ်။
ဆွီဒင်တိုက်စစ်မှူးဟာ မန်စီးတီးဘက်ကို ဟတ်ထရစ် သွင်းခဲ့တဲ့ ဂိုးတွေအပါအဝင် စပို့တင်းနဲ့ နောက်ဆုံး ၆ ပွဲမှာ ၁၂ ဂိုးအထိ သွင်းယူပြီး ခြေစွမ်းပြနေတာပါ။
မန်ယူနည်းပြ ဖြစ်လာမယ့် စပို့တင်းနည်းပြ အာမိုရင်ကတော့ မန်ယူနဲ့ အပြောင်းအရွှေ့ကိစ္စအပေါ် ဖြေကြားဖို့ မသင့်တော်ကြောင်းနဲ့ ယိုကာရက်စ်အနေနဲ့ ရာသီကုန်ချိန်မှာ အသင်းပြောင်းရွှေ့နိုင်ကြောင်း ထည့်သွင်းပြောသွားတာပါ။
အင်္ဂလန်နောက်ခံလူဟောင်း ဖာဒီနန်ကတော့ ယိုကာရက်စ်ဟာ ဘရိုက်တန်၊ ကိုဗင်ထရီ၊ ဆွမ်ဆီးအသင်းတွေမှာ ကျင်လည်ခဲ့ဖူးသူ ဖြစ်လို့ အောက်ခြေကနေတဆင့် ကိုယ့်ဘာသာ တက်လှမ်းလာနိုင်သူဖြစ်ပြီး ပရီးမီးယားလိဂ်အသင်းတိုင်းက သူ့ကို ခေါ်ယူဖို့ လုပ်ဆောင်ကြလိမ့်မယ်လို့ မှတ်ချက်ပေးသွားပါတယ်။
