ဒီကနေ့ မနက်အစောပိုင်းက ကစားသွားတဲ့ ချန်ပီယံလိဂ်ပွဲစဉ်မှာ မန်ယူအသင်းနည်းပြဖြစ်လာမယ့် အာမိုရင်ရဲ့  စပို့တင်းအသင်းက  ပရီးမီးယားလိဂ်ထိပ်သီး မန်စီးတီးအသင်းကို ၄ ဂိုး ၁ ဂိုးနဲ့ အနိုင်ရခဲ့ပါတယ်။ 

ပွဲချိန် ၄ မိနစ်ကတည်းက ဖိုဒမ်က ဦးဆောင်ဂိုး သွင်းယူခဲ့ပေမဲ့ စပို့တင်းက ၄ ဂိုးပြန်သွင်းပြီး ဂိုးပြတ်အနိုင်ရရှိခဲ့တာပါ။

စပို့တင်းအတွက် ချေပဂိုးနဲ့ အနိုင်ဂိုးတွေကို တိုက်စစ်မှူး ဂယိုကာရက်စ်က ဟတ်ထရစ် ၃ ဂိုးသွင်းခဲ့ပြီ အရာဟိုက တဂိုး သွင်းခဲ့တာပါ။

မန်ယူနည်းပြ ဖြစ်လာတော့မယ့် အာမိုရင်အတွက် စပို့တင်းနဲ့ နောက်ဆုံးအိမ်ကွင်းပွဲစဉ်မှာ အံ့အားသင့်စရာ ရလဒ်ရယူနိုင်ခဲ့တာပါ။

တခြားပွဲစဉ်တွေမှာ ရီးရဲလ်မက်ဒရစ်က အေစီမီလန်ကို ၃ ဂိုး ၁ ဂိုးနဲ့ ရှုံးနိမ့်ခဲ့ပြီး လီဗာပူးက လီဗာကူဆင်ကို ၄ ဂိုး ဂိုးမရှိနဲ့ အနိုင်ရခဲ့ပါတယ်။