လီဗာပူးကို အနိုင်မယူနိုင်ခဲ့သည့်အပေါ် အာဆင်နယ် နည်းပြ စိတ်ပျက်
DVB
·
October 28, 2024
လီဗာပူးအသင်းကို အနိုင်မယူနိုင်ခဲ့တဲ့အပေါ် စိတ်ပျက်မိကြောင်း အာဆင်နယ်နည်းပြ မီခေးလ်အာတေတာက ပြောသွားပါတယ်။
အောက်တိုဘာ ၂၇ ရက်က အီမရိတ်ကွင်းမှာ ကစားခဲ့တဲ့ အာဆင်နယ်နဲ့ လီဗာပူးတို့ ပွဲစဉ်မှာ တဖက် ၂ ဂိုးစီသရေရလဒ်နဲ့ ပွဲပြီးခဲ့တာပါ။
အာဆင်နယ်အသင်းက ဆာကာ၊ မယ်ရီနိုတို့ရဲ့ ဂိုးတွေနဲ့ နှစ်ကြိမ်တိုင်တိုင် ဦးဆောင်နိုင်ခဲ့ပေမဲ့ လီဗာပူးဘက်က ဗန်ဒိုက်နဲ့ ဆာလာတို့က ချေပဂိုးတွေ ပြန်သွင်းခဲ့တာပါ။
ဒီပွဲမှာ အကောင်းဆုံးကစားနိုင်ခဲ့တာက အာဆင်နယ်အသင်းဖြစ်ပြီး နိုင်ပွဲမရတဲ့အပေါ် စိတ်ပျက်မိကြောင်း ပွဲအပြီးမှာ အာတေတာက ပြောပါတယ်။
ဒဏ်ရာရ ကစားသမားတွေရှိတဲ့ကြားကနေ စွမ်းဆောင်ရည်ကောင်း ပြသနိုင်ခဲ့တဲ့ အသင်းသားတွေ အပေါ်မှာတော့ ချီးကျူးစရာဖြစ်ကြောင်း နည်းပြအာတေတာက ပြောသွားပါတယ်။
