လီဗာပူးနှင့်ပွဲတွင် အံ့အားသင့်စရာ နိုင်ပွဲရယူရန် အာဆင်နယ်ကို နဗီးလ် တိုက်တွန်း
DVB
·
October 27, 2024
လီဗာပူးအသင်းနဲ့ပွဲစဉ်မှာ အံ့အားသင့်စရာနိုင်ပွဲရယူဖို့ အာဆင်နယ်အသင်းကို ဂယ်ရီနဗီးလ် က တိုက်တွန်းသွားပါတယ်။
အာဆင်နယ်အသင်းမှာ အသင်းခေါင်းဆောင် အိုဒီဂတ် အပါအဝင် ဆာလီဘာ၊ ကလာဖီအိုရီ၊ ယူလီယန်တင်းဘား အစရှိတဲ့ကစားသမားတွေ ဒဏ်ရာနဲ့ပွဲ ပယ်ပြစ်ဒဏ်တွေကြောင့် ပါဝင်နိုင်မှာမဟုတ်သလို အဓိကကစားသမားဖြစ်သူ ဘူကာရိုဆာကာဟာလည်း ကြံ့ခိုင်မှု ပြည့်ဝဖို့ရုန်းကန်နေရတာပါ။
အာဆင်နယ်အသင်းအနေနဲ့ လက်ရှိအချိန်ဟာ လီဗာပူးကို အနိုင်ယူပြီး လူတွေကို အံ့အားသင့်အောင်လုပ်ဖို့ အကောင်းဆုံးအချိန်ဖြစ်ကြောင်း နဗီးလ်ကပြောပါတယ်။
အာဆင်နယ်အသင်းဟာ လီဗာပူးကိုရှုံးနိမ့်ခဲ့မယ်ဆိုရင် ၇ မှတ်အထိ ကွာဟသွားမှာဖြစ်လို့ ချန်ပီယံဆုအတွက် အခွင့်အလမ်း နည်းပါးသွားနိုင်တာဖြစ်ပါတယ်။
