ပီရူးသမ္မတဟောင်း အလီဂျန်ဒရို တိုလီဒိုဟာ ဘရာဇီး ဆောက်လုပ်ရေးလုပ်ငန်းကြီး အိုဒါဘရက်ချ်ကနေ လာဘ်ယူခဲ့မှုအတွက် ထောင်ဒဏ် အနှစ် ၂၀ နဲ့ ၆ လ ချမှတ်ခံခဲ့ရပါတယ်။
ဘရာဇီးနိုင်ငံကနေ တောင်အမေရိကတတိုက်လုံး ပျံ့နှံ့တဲ့ အော်ပရေးရှင်း လာဗာဂျာတို (ကားရေဆေးစစ်ဆင်ရေး) လို့ နာမည်ကြီးတဲ့ အဂတိလိုက်စားမှု အရှုပ်တော်ပုံကြီးနဲ့ ပတ်သက်ပြီး ပီရူးမှာ ပြစ်ဒဏ်ကျခံခဲ့ရတဲ့ ရာထူးအကြီးဆုံးပုဂ္ဂိုလ် ဖြစ်ပါတယ်။
အသက် ၇၈ နှစ်အရွယ် တိုလီဒိုဟာ စတန်းဖို့ဒ်တက္ကသိုလ်ကနေ ပါရဂူဘွဲ့ရထားတဲ့ စီးပွားရေးပညာရှင်ဖြစ်ပြီး ပီရူးနိုင်ငံကို ၂၀၀၁ ခုနှစ်ကနေ ၂၀၀၆ ခုနှစ်အထိ အုပ်ချုပ်ခဲ့သူ ဖြစ်ပါတယ်။
အရင်တုန်းက Odebrecht လို့ခေါ်တဲ့ ကုမ္ပဏီကနေ ဒေါ်လာ ၃၅ သန်း လာဘ်ယူခဲ့မှုအတွက် အပြစ်ရှိတယ်လို့ တရားရုံးက ဆုံးဖြတ်ခဲ့ပါတယ်။
ပီရူးတောင်ပိုင်းကမ်းရိုးတန်းနဲ့ ဘရာဇီးအနောက်ပိုင်း အမေဇုန်ဒေသကို ချိတ်ဆက်တဲ့ လမ်းဖောက်လုပ်ဖို့ ကန်ထရိုက်ရဖို့အတွက် ဒီလာဘ်ပေးလာဘ်ယူမှု ဖြစ်ပေါ်ခဲ့တာပါ။
နှစ်ချီကြာမြင့်တဲ့ တရားစီရင်မှုမှာ တိုလီဒိုဘက်ကတော့ ငွေကြးခဝါချမှုနဲ့ ပူးပေါင်းကြံစည်မှု စွဲချက်တွေကို ငြင်းဆိုခဲ့ပါတယ်။
Source-Reuters
