စပို့တင်းနည်းပြ အာမိုရင် အင်္ဂလန်တွင် အောင်မြင်နိုင်သူဖြစ်ဟု ဘရူနိုဖာနန်ဒက်စ် ချီးကျူး
DVB
·
October 14, 2024
အသင်းဟောင်း စပို့တင်းလစ္စဘွန်းနည်းပြ ရူဘင်အာမိုရင်ဟာ အင်္ဂလန်ပရီးမီးယားလိဂ်မှာ အောင်မြင်မှုရရှိနိုင်သူဖြစ်တယ်လို့ မန်ယူကွင်းလယ်လူ ဖာနန်ဒက်စ်က ပြောသွားပါတယ်။
မန်စီးတီးအသင်းဟာ စပို့တင်း ဘောလုံးဒါရိုက်တာကို ခေါ်ယူလိုက်ပြီးတဲ့နောက် ဂွါဒီယိုလာရဲ့ အလွန်မှာ နည်းပြအာမိုရင်ကို ပါခေါ်ယူလာနိုင်ကြောင်း ခန့်မှန်းသုံးသပ်သူတွေ ရှိခဲ့တာပါ။
နည်းပြအာမိုရင်ဟာ စပို့တင်းမှာ ပိုမိုကောင်းမွန်တဲ့ကစားပုံကို တည်ဆောက်နိုင်ခဲ့ကြောင်း၊ စပို့တင်းအသင်းကို တာဝန်ယူနိုင်ဖို့နဲ့ ချန်ပီယံဖြစ်အောင် စွမ်းဆောင်ဖို့ဆိုတာ လွယ်ကူတဲ့အလုပ်မဟုတ်ကြောင်း ဖာနန်ဒက်စ်က ပြောပါတယ်။
နည်းပြ ရူဘင်အာမိုရင်ဟာ အင်္ဂလန်မှာ လာရောက်နည်းပြဖို့ ပြင်ဆင်နေကြောင်းလည်း ဖာနန်ဒက်စ်က အသိပေးသွားပါတယ်။
