ကာတစ်ဂျုံးစ်နှင့် လီဗရာမန်တို တို့ကို အင်္ဂလန်အသင်း ထပ်မံခေါ်ယူ
DVB
·
October 10, 2024
အင်္ဂလန်လက်ရွေးစင်အသင်းဟာ ဒဏ်ရာရရှိနေတဲ့ ကစားသမားတွေကို အိမ်ပြန်လွှတ်ပြီးနောက် လီဗာပူးက ကာတစ်ဂျုံးစ်နဲ့ နယူးကာဆယ်နောက်ခံလူ လီဗရာမန်တို တို့ကို ထပ်မံခေါ်ယူလိုက် ပါတယ်။
မူလက ရွေးချယ်ထားတဲ့ ကစားသမားစာရင်းထဲကနေ ကွင်းလယ်လူ ကိုဘီမိန်နူး၊ မော်ဂန်ဂစ်ဝှိုက် အစရှိတဲ့ ကစားသမားတွေက ဒဏ်ရာပြဿနာတွေကနေ အသီးသီးနုတ်ထွက်ခဲ့ကြတာပါ။
ထပ်မံခေါ်ယူခဲ့တဲ့ ကစားသမား ၂ ယောက်က အင်္ဂလန် ယူ-၂၁ အသင်းမှာ လေ့ကျင့်ခန်းဆင်းနေတဲ့ ကစားသမားတွေဖြစ်ပြီး နည်းပြလီကာစ်လေက သူ့အသင်းက လူငယ်တွေကို အသင်းကြီးဆီ တွန်းတင်ပေးခဲ့တာ ဖြစ်ပါတယ်။
အင်္ဂလန်အသင်းဟာ နေးရှင်းလိဂ်ပွဲစဉ်တွေအနေနဲ့ ဂရိ၊ ဖင်လန်အသင်းတွေနဲ့ ယှဉ်ပြိုင် ကစားသွားရမှာ ဖြစ်ပါတယ်။
Photo-Reuters
