အင်္ဂလန်အသင်းတွင် ဟယ်ရီကိန်းအပါအဝင် ကစားသမား ၃ ဦး ဒဏ်ရာပြဿနာရှိနေ
DVB
·
October 8, 2024
အင်္ဂလန်လက်ရွေးစင်အသင်းမှာ တိုက်စစ်မှူးဟယ်ရီကိန်းအပါအဝင် ကစားသမား ၃ ယောက် ဒဏ်ရာပြဿနာ ကိုယ်စီကြုံတွေ့နေပါတယ်။
အသင်းခေါင်းဆောင်ကိန်းဟာ ဖရန့်ဖတ်နဲ့ သရေကျခဲ့တဲ့ပွဲစဉ်မှာ ညာဘက်ခြေထောက်မှာ ဒဏ်ရာ ရရှိခဲ့ပြီး စောစောစီးစီးလူစားလဲ ခံခဲ့ရတာပါ။
ကိန်းဟာ အင်္ဂလန်အသင်းနဲ့ စတင်ပူးပေါင်းနေပြီဖြစ်ပေမဲ့ ဒဏ်ရာအခြေအနေကို အသေးစိတ် စစ်ဆေးသွားရမှာဖြစ်ပြီး အသင်းရဲ့ ပွဲစဉ်တွေမှာ အရဲစွန့်ပြီး ပါဝင်ကစားမှာမဟုတ်ဘူးလို့ သိရပါတယ်။
ဒါ့အပြင် ဗီလာနောက်ခံလူ ကွန်ဆာနဲ့ နော်တင်ဟမ်ဖောရက်စ် ကွင်းလယ်လူ ဂစ်ဘ်ဝှိုက်တို့ဟာ လည်း ဒဏ်ရာပြဿနာတွေကြောင့် ပါဝင် ကစားနိုင်မှာမဟုတ်သေးဘူးလို့ သိရပါတယ်။
အင်္ဂလန်တိုက်စစ်မှူး ဟယ်ရီကိန်းမပါနိုင်ဘူးဆိုရင်တော့ အိုလီဝက်ကင်စ်နဲ့ ဆိုလန်ကီတို့ထဲက တယောက်ကို အစားထိုးအသုံးပြုသွားဖို့ နည်းပြ လီကာစလေက ပြင်ဆင်ထားတယ်လို့ သိရပါတယ်။
Photo-Reuters
