ရုန်းရင်းဆန်ခတ်ဖြစ်ခဲ့သည့် ချဲလ်ဆီးနှင့် နော်တင်ဟမ်အသင်းတို့ အရေးယူခံရမည်
DVB
·
October 9, 2024
ရုန်းရင်ဆန်ခတ်ဖြစ်ခဲ့တဲ့ ချဲလ်ဆီးနဲ့ နော်တင်ဟမ်ဖောရက်စ်အသင်းတွေကို အရေးယူဖို့ အက်ဖ်အေက ဆုံးဖြတ်ခဲ့ပါတယ်။
ပြီးခဲ့တဲ့တနင်္ဂနွေနေ့က ကစားခဲ့တဲ့ပွဲစဉ်မှာ တဖက် ၁ ဂိုးစီသရေကျခဲ့ပြီး နှစ်ဖက် ကစားသမားတွေ အချင်းချင်းအုပ်စုလိုက် ရုန်းရင်းဆန်ခတ် ဖြစ်ခဲ့ကြတာပါ။
အဲဒီဖြစ်ရပ်မှာ ကစားသမားတွေအပေါ် ထိန်းချုပ်နိုင်ခြင်းမရှိခဲ့တဲ့ နှစ်ဖက် အသင်းနှစ်သင်းစလုံးကို အက်ဖ်အေက စွဲချက်တင်လိုက်ပြီး မသင့်လျော်တဲ့ အပြုအမူတွေ လုပ်ဆောင်ခဲ့ကြတဲ့ အသင်းသားတွေကို အသင်းတွေဘက်က ထိန်းချုပ်ဖို့ ပျက်ကွက်ခဲ့ကြောင်း ထုတ်ပြန်ခဲ့ပါတယ်။
နော်တင်ဟမ်နဲ့ ပွဲမှာ ချဲလ်ဆီးအသင်းက ကစားသမား ၆ ယောက်အထိ အဝါကတ် ပြသခံခဲ့ရတာကြောင့် ပေါင် ၅၀၀၀၀ ဒဏ်ရိုက်ခံရဖို့ သေချာသွားခဲ့ပါတယ်။
