၄ ဂိုးသွင်းပေးခဲ့သည့် တိုက်စစ်ကစားသမား ပါလ်မာကို ချဲလ်ဆီးနည်းပြ ချီးကျူး
DVB
·
September 29, 2024
ချဲလ်ဆီးရဲ့ တိုက်စစ်ကစားသမား ပါလ်မာဟာ ပရီးမီးယားလိဂ်ရဲ့ အကောင်းဆုံးကစားသမား တယောက်ဖြစ်တယ်လို့ နည်းပြမာရက်စ်ကာက ချီးကျူးသွားပါတယ်။
ပါလ်မာဟာ စနေနေ့က ကစားသွားတဲ့ ဘရိုက်တန်နဲ့ပွဲစဉ်မှာ တယောက်တည်း ၄ ဂိုးသွင်းယူနိုင်ခဲ့တာပါ။
ပါလ်မာဟာ ပြိုင်ဘက်ရဲ့တယောက်ချင်း အမှားတွေကို ပိုင်ပိုင်နိုင်နိုင်အသုံးချခဲ့ပြီး တယောက်ချင်းလူကပ်ပြီး ကစားလို့မရနိုင်တဲ့ ကစားသမားဖြစ်ကြောင်း၊ ပါလ်မာကို အသင်းလိုက် စုဖွဲ့မှုနဲ့သာ ထိန်းချုပ်နိုင်ပြီး ပရီးမီးယားလိဂ်ရဲ့ အကောင်းဆုံး ကစားသမားဖြစ်ကြောင်း နည်းပြမာရက်စ်ကာက ပြောပါတယ်။
ပါလ်မာဟာ အလွန်ရိုးရှင်းတဲ့ ကစားသမားဖြစ်ပြီး နှိမ်ချတတ်သူလည်း ဖြစ်တာကြောင့် အရေးကြီးဆုံးသော အချက်ကို ပိုင်ဆိုင်ထားသူ ဖြစ်တယ်လို့လည်း နည်းပြမာရက်စ်ကာက ချီးကျူးသွားပါတယ်။
