မနှစ်ကရာသီကစတင်ပြီး သွင်းဂိုးပါဝင်ပတ်သတ်မှု အများဆုံးကစားသမားစာရင်းမှာ ချဲလ်ဆီး တိုက်စစ်ကစားသမား ကိုးလ်ပါလ်မာက စတုတ္ထနေရာမှာ ရပ်တည်နေပါတယ်။
ချဲလ်ဆီးကြယ်ပွင့်ဟာ ဘရိုက်တန်နဲ့ ပရီးမီးယားလိဂ်ပွဲစဉ်မှာ တယောက်တည်း ၄ ဂိုး သွင်းယူခဲ့ပြီးနောက် ဥရောပတိုက်က ထိပ်တန်း လိဂ်ကြီး ၅ ခုမှာ သွင်းဂိုးပါဝင်ပတ်သက်မှု အများဆုံး ကစားသမားစာရင်းထဲ ပါဝင်လာခဲ့တာပါ။
ပါလ်မာဟာ ပြီးခဲ့တဲ့ရာသီအစကနေ လက်ရှိအချိန်အထိ သွင်းဂိုး ၃၁ ဂိုးအပါအဝင် ဂိုးပါဝင်ပတ်သက်မှု ၅၀ အထိ ရှိလာခဲ့တာပါ။
လက်ရှိအချိန်အထိ သွင်းဂိုး ပါဝင်ပတ်သက်မှု အများဆုံးကစားသမားက ဘိုင်ယန် တိုက်စစ်မှူး ဟယ်ရီကိန်းဖြစ်ပြီး သွင်းဂိုး ၅၁ ဂိုးအပါအဝင် စုစုပေါင်းဂိုးပါဝင်ပတ်သက်မှု ၅၅ ဂိုးအထိ ရှိပါတယ်။
အဲဒီနောက် အမ်ဘာပေ၊ ဟာလန်းတို့က ထိပ်ဆုံး ၃ ယောက် စာရင်းမှာအစဉ် လိုက်ရပ်တည်ခဲ့ပြီး ဆာလာ၊ လီဝန်ဒေါစကီး၊ အိုလီဝက်ကင်စ်၊ ဖလော်ရီယန်ဝစ်ဇ်၊ ဗင်နီဆီးယက်စ်နဲ့ ဂျိုနသန်ဒေးဗစ်တို့က ထိပ်ဆုံး ၁၀ ယောက်စာရင်းမှာ အစဉ်လိုက် ရပ်တည်ခဲ့ပါတယ်။
