ချန်ပီယံဖြစ်ဖို့ ပစ်မှတ်ထားနေတယ်လို့ လီဗာပူးနောက်ခံလူ ဗန်ဒိုက်က ပြောသွားပါတယ်။  အခုသီတင်းပတ် ပရီးမီးယားလိဂ်ပွဲစဉ်မှာ ခရစ္စတယ်ပဲလေ့အသင်းကို အနိုင်ရခဲ့တဲ့ လီဗာပူးအသင်းဟာ အမှတ်ပေးဇယားအဆင့် ၁ မှာဆက်လက်ရပ်တည်နိုင်ခဲ့တာပါ။ 

အသင်းရဲ့ စွမ်းဆောင်ရည် တိုးတက်လာဖို့၊ ချန်ပီယံဆုကို စိန်ခေါ်နိုင်ပြီး ဆုဖလားရယူနိုင်ဖို့က အသင်းသားတွေအားလုံး ပစ်မှတ်ထားနေတဲ့အရာ ဖြစ်ကြောင်း၊ လက်ရှိအချိန်မှာ ရမှတ်တွေ စုဆောင်းထားနိုင်ပေမဲ့ ပွဲကျပ်ကာလတွေလည်း ရှိသေးတာကြောင့် အခုထက်ပိုတဲ့ စွမ်းဆောင်ရည် လိုအပ်ကြောင်း နောက်ခံလူ ဗန်ဒိုက်က ပြောသွားပါတယ်။ 

လီဗာပူးအသင်းဟာ ပွဲစဉ် ၇ အပြီးမှာ ပေးဂိုး ၂ ဂိုးသာ ပေးခဲ့ရပြီး အကောင်းဆုံးခံစစ်အဖြစ် သတ်မှတ်ခြင်းခံထားရပါတယ်။