လီဗာပူးအသင်း ချန်ပီယံဖြစ်ဖို့ လိုအပ်နေတဲ့ ကွက်လပ်တခုကို အင်္ဂလန်ကစားသမားဟောင်း အိုဝင်ဟားဂရေ့စ်က ထောက်ပြသွားပါတယ်။
လီဗာပူးအသင်းဟာ အခုတပတ် ပရီးမီးယားလိဂ်မှာ ဝုဗ်ကို အနိုင်ယူပြီး အဆင့်တစ်နေရာဆီ တက်လှမ်းနိုင်ခဲ့တာပါ။
လီဗာပူးအသင်းအနေနဲ့ ချန်ပီယံဖြစ်ဖို့ဆိုရင် ကွင်းလယ်ခံစစ် ကစားသမားစစ်စစ်တယောက် ခေါ်ယူနိုင်ဖို့လိုအပ်ပြီး ဂရာဗန်ဘက်ချ်ဟာ ကွင်းလယ်ခံစစ် ကစားသမားစစ်စစ် မဟုတ်တာကြောင့် လိုအပ်ချက်တွေရှိကြောင်း ဟားဂရေ့စ်က ပြောပါတယ်။
ဂရာဗန်ဘက်ချ်ဟာ အသက် ၂၂ နှစ်ပဲရှိသေးပြီး အရာအားလုံး လုပ်ဆောင်နိုင်ပေမဲ့ ကွင်းလယ်ခံစစ်သမားတယောက်ရဲ့ လုပ်ဆောင်ချက်တွေကို အပြည့်အဝ မလုပ်ဆောင်နိုင်သေးကြောင်း ဟားဂရေ့စ်က ပြောပါတယ်။
လီဗာပူးအသင်းမှာ ဖာဘင်ညိုကို ပြသနိုင်ခဲ့သလို မန်စီးတီးမှာလည်း ရိုဒရီကို ပြသနိုင်ခဲ့ကြောင်း၊ လီဗာပူးအသင်းအနေနဲ့ ဖာဘင်ညိုလို ကွင်းလယ်ခံစစ်မှူး စပါယ်ရှစ်လစ် တယောက် လိုအပ်နေကြောင်း ဟားဂရေ့စ်က တိုက်တွန်းသွားခဲ့ပါတယ်။
