လီဗာပူးနဲ့ ကစားရမယ့် ဥရောပချန်ပီယံလိဂ်အဖွင့်ပွဲစဉ်က အသင်းရဲ့တိုးတက်လာမှုကို သက်သေပြသနိုင်မယ့် အခွင့်အရေးဖြစ်တယ်လို့ အေစီမီလန်အသင်းနည်းပြ ဖွန်ဆီကာ က ပြောသွားပါတယ်။
နည်းပြဖွန်ဆီကာဟာ ပြီးခဲ့တဲ့ ဇူလိုင်လကမှ ပြင်သစ်အသင်းလိုင်လီကနေ ဆန်စီရို ကို ပြောင်းရွှေ့လာခဲ့တာပါ။
အေစီမီလန်နဲ့အတူ ရလဒ်ကောင်းတွေ မရရှိသေးတဲ့တိုင် တိုးတက်မှုတွေရှိလာတာကို ပြသနိုင်ဖို့ အခွင့်အရေးကောင်းဖြစ်တယ်လို့ နည်းပြဖွန်ဆီကာက ပြောပါတယ်။
လီဗာပူးအသင်းဟာ ဥရောပရဲ့ အတောင့်တင်းဆုံး လူစာရင်း ပိုင်ဆိုင်ထားသလို တဦးချင်း စွမ်းဆောင်ရည်လည်း ကောင်းမွန်တဲ့အသင်းဖြစ်ကြောင်း အေစီမီလန် နည်းပြဖွန်ဆီကာက ပြောပါတယ်။
အေစီမီလန်အသင်းဟာ အီတလီစီးရီးအေပွဲစဉ် ၄ ပွဲကစားအပြီးမှာ ၁ ပွဲနိုင် ၂ ပွဲသရေ ၁ပွဲ ရှုံးနိမ့်ထားပါတယ်။
သူတို့နှစ်သင်းဟာ ၂၀၀၅ နဲ့ ၂၀၀၇ ချန်ပီယံလိဂ်ဗိုလ်လုပွဲတွေမှာ တွေ့ဆုံခဲ့ဖူးပြီး တလှည့်စီ အနိုင်ရခဲ့ကြပါတယ်။
