ဖူဟမ်ဘယ်နောက်ခံလူ ရော်ဘင်ဆန်ကို ခေါ်ယူရန် လီဗာပူးနှင့် မန်ယူ အပြိုင်ကြိုးပမ်း
DVB
·
September 23, 2024
လီဗာပူးနဲ့ မန်ယူအသင်းတို့ဟာ ဖူဟမ်ဘယ်နောက်ခံလူ ရော်ဘင်ဆန်ကို ခေါ်ယူဖို့ အပြိုင်ကြိုးပမ်းလာကြပါတယ်။
အသက် ၂၇ နှစ်ရှိ အမေရိကန်လက်ရွေးစင် ကစားသမားဟာ ဖူဟမ်အသင်းမှာ ခြေစွမ်းပြနေပြီး ပရီးမီးယားလိဂ် ၅ ပွဲမှာ ဂိုးဖန်တီးမှု ၂ ကြိမ် အပါအဝင် အခွင့်အရေး ဖန်တီးနိုင်မှုတွေနဲ့ ဖျက်ထုတ်ကာကွယ်မှုတွေ အများအပြား လုပ်ဆောင်နိုင်ခဲ့သူပါ။
မန်ယူအသင်းဟာ လုခ်ရှောနေရာအတွက် ရော်ဘင်ဆန်ကို ခေါ်ယူလိုတာဖြစ်ပြီး လီဗာပူးအသင်းကတော့ ရော်ဘတ်ဆန်ရဲ့နေရာမှာ အရန်သင့်အသုံးပြုနိုင်ဖို့ ဖြစ်တယ်လို့ သိရပါတယ်။
ဖူဟမ်အသင်းဘက်ကတော့ ဘယ်နောက်ခံလူ ရော်ဘင်ဆန်အတွက် ပေါင်သန်း ၃၀ လောက် ပေးချေမယ်ဆိုရင် လက်ခံစဉ်းစားသွားမယ်လို့ သိရပါတယ်။
