အာဆင်နယ်လူငယ်ကြယ်ပွင့် ချီဒိုအိုဘီမာတင်ကို မန်ယူအသင်း ခေါ်ယူ
DVB
·
October 6, 2024
မန်ချက်စတာယူနိုက်တက်အသင်းဟာ အာဆင်နယ်အကယ်ဒမီအသင်းရဲ့ လူငယ်ကြယ်ပွင့်ကစားသမား ချီဒိုအိုဘီမာတင်ကို အပြီးသတ်စာချုပ်ခေါ်ယူခဲ့ပါတယ်။
အသက် ၁၆ နှစ်ရှိ အင်္ဂလန်တိုက်စစ် ကစားသမားဟာ မနှစ်က ယူ-၁၈ ပရီးမီးယားလိဂ်မှာ သွင်းဂိုး ၃၂ ဂိုးသွင်းယူနိုင်ခဲ့သူပါ။
မန်ယူနိုက်တက်လို အံ့အားသင့်စရာကောင်းတဲ့အသင်းတသင်းဆီ ပြောင်းရွှေ့ခဲ့ရလို့ ဂုဏ်ယူကျေနပ်မိပြီး မိမိရဲ့ အိပ်မက်တွေဖြစ်လာဖို့ အစွမ်းကုန်ကြိုးစားသွားမယ်လို့ အိုဘီမာတင်က ပြောပါတယ်။
အပြောင်းအရွှေ့ ဖြစ်မြောက်လာဖို့ ကူညီပေးကြသူတဦးချင်း တယောက်ချင်းစီကို ကျေးဇူးတင်တယ်လို့ အိုဘီမာတင်က ပြောသွားပါတယ်။
