အာဆင်နယ်၏ အကောင်းဆုံးဘောလုံးရာသီဖြစ်လာမည်ဟု ဆာကာ ယုံကြည်
DVB
·
October 3, 2024
အခုနှစ်ဘောလုံးရာသီဟာ အာဆင်နယ်အသင်းရဲ့အကောင်းဆုံးနှစ် ဖြစ်လာမယ်လို့ တောင်ပံ ကစားသမား ဘူကာရိုဆာကာက ယုံကြည်နေပါတယ်။
အသင်းသားတွေအပေါ် ဖိအားတွေ မပေးလိုပေမဲ့ အခုနှစ်ဘောလုံးရာသီဟာ ချန်ပီယံဆုဖလား ရယူပြီး အသင်းအတွက် အကောင်းဆုံးနှစ်ဖြစ်လာမယ်လို့ ဆာကာက ပြောပါတယ်။
ပရီးမီးယားလိဂ်ချန်ပီယံ ဆုဖလားရယူဖို့ ကိုယ့်ကိုယ်ကို ယုံကြည်မှုရှိသလို အသင်းသားတွေ အပေါ်မှာလည်း ယုံကြည်ကြောင်း၊ အသင်းသားတွေအနေနဲ့ PSG အသင်းကို အနိုင်ယူခဲ့သလို ထိပ်တန်းအသင်းတွေကို အနိုင်ယူနိုင်တယ်ဆိုတာ သက်သေပြသွားရမှာဖြစ်ကြောင်း ဆာကာက ပြောသွားပါတယ်။
အာဆင်နယ်ဟာ လက်ရှိအချိန်အထိ ရှုံးပွဲ မရှိ ရလဒ်ကို ဆက်ထိန်းထားပြီး အခုတပတ် ပရီးမီးယား လိဂ်မှာ တန်းတက် ဆောက်သမ်တန်နဲ့ တွေ့ဆုံနေပါတယ်။
Photo-Reuters
