တောင်ကိုရီးယားသမ္မတ ယွန်းဆတ်ခ်ယိုးဟာ အောက်တိုဘာ ၂ ရက်က ဂျပန်ဝန်ကြီးချုပ်သစ် ရှီဂဲရုအီရှိဘကို ပထမဆုံး တယ်လီဖုန်းခေါ်ဆိုခဲ့ပြီး မြောက်ကိုရီးယားရဲ့ ခြိမ်းခြောက်မှုတွေကို တန်ပြန်ဖို့ အမေရိကန်နဲ့ စည်းလုံးညီညွတ်စွာ တုံ့ပြန်ဖို့ လိုအပ်ကြောင်း သဘောတူညီခဲ့တယ်လို့ တောင်ကိုရီးယား သမ္မတရုံးရဲ့ ထုတ်ပြန်ချက်မှာ ဖော်ပြထားပါတယ်။
အီရှိဘဟာ အာဏာရ လစ်ဘရယ် ဒီမိုကရက်တစ်ပါတီကို ဦးဆောင်ရဖို့ သူ့ရဲ့ ပဉ္စမအကြိမ် ယှဉ်ပြိုင်မှုနဲ့ နောက်ဆုံးကြိုးပမ်းအားထုတ်ချက်မှာ ကပ်သီပြီး အနိုင်ရခဲ့ပြီးနောက် ဂျပန်နိုင်ငံရဲ့ နောက်ထပ်ဝန်ကြီးချုပ် ဖြစ်လာတာပါ။
ဂျပန်ရဲ့ စစ်အတွင်းကာလ ရာဇဝင်တွေကနေ ပေါက်ဖွားလာခဲ့တဲ့ နှစ်ပေါင်းများစွာ သံတမန်ရေးအရ မုန်းတီးမှုတွေ ရှိခဲ့တာကြောင့် တောင်ကိုရီးယားသမ္မတ ယွန်းဟာ တိုကျိုနဲ့ ဆက်ဆံရေး တိုးတက်စေဖို့နဲ့ အမေရိကန်ပြည်ထောင်စုနဲ့ ၃ နိုင်ငံလုံခြုံရေး ပူးပေါင်းဆောင်ရွက်မှုကို တည်ဆောက်ဖို့ သံတမန်ရေးရာ ဦးစားပေးမှုကို အရင်လုပ်ဆောင်ခဲ့တာ ဖြစ်ပါတယ်။
Source-Reuters
