အာဆင်နယ်အသင်းအနေနဲ့ ပြီးခဲ့တဲ့နှစ်တွေအတွင်း ခြေစွမ်းနောက်တဆင့် တက်လှမ်းနိုင်တယ် ဆိုတာကို မန်စီးတီးရဲ့ကွင်းမှာ သက်သေပြဖို့ လိုအပ်ကြောင်း နည်းပြအာတေတာက ပြောသွားပါတယ်။
အာဆင်နယ်ဟာ တနင်္ဂနွေနေ့ည ၁၀ နာရီမှာ မန်စီးတီးရဲ့ အီတီဟတ်ကွင်းမှာ သွားရောက်ရင်ဆိုင်ရမှာပါ။
မန်စီးတီးအသင်းဟာ ပရီးမီးယားလိဂ်သမိုင်းတလျှောက် ခြေစွမ်းတည်ငြိမ်မှုအရှိဆုံး ချန်ပီယံအသင်းဖြစ်တယ်ဆိုတာ ရလဒ်ပိုင်းတင်မဟုတ်ဘဲ ခြေစွမ်းအဆင့် အတန်းအရပါ ပြသနေကြောင်း နည်းပြအာတေတာက ချီးကျူးပါတယ်။
အဲဒီလို လက်ရှိချန်ပီယံ အသင်းရဲ့ကွင်းမှာ သွားရောက်ရင်ဆိုင်ရာမှာက စိန်ခေါ်မှုတခု ဖြစ်ပြီး အာဆင်နယ်အသင်း ခြေစွမ်း နောက်တဆင့်တက်လှမ်းနိုင်တယ်ဆိုတာ ထပ်မံသက်သေပြရမယ့် ပွဲစဉ်ဖြစ်တယ်လို့ နည်းပြ အာတေတာက ပြောပါတယ်။
အာဆင်နယ်ဟာ မနှစ်က မန်စီးတီးအသင်းကို အိမ်ကွင်းမှာ အနိုင်ကစားခဲ့ပြီး အဝေးကွင်းမှာ ဂိုးမရှိသရေရလဒ် ရယူနိုင်ခဲ့တာဖြစ်ပါတယ်။
