ဘိုလီးဗီးယားတွင် လိပ်ဥအလုံး ၁၁,၀၀၀ သိမ်းဆည်းရမိ
DVB
·
September 15, 2024
ဘိုလီးဗီးယားနိုင်ငံမြောက်ပိုင်းမှာ တရားမဝင်သယ်ဆောင်လာတဲ့ လိပ်ဥအလုံး ၁၁,၀၀၀ ဖမ်းဆီးမိတယ်လို့ အာဏာပိုင်တွေကထုတ်ပြန်ပါတယ်။
သစ်တောရဲတပ်ဖွဲ့က အမေဇုန်ဒေသ ထရီနီဒက်မြို့မှာ ပုံမှန်ကင်းလှည့်ချိန်မှာ အခုလို ဖမ်းမိခဲ့တာဖြစ်ပါတယ်။
လမ်းဘေးမှာရပ်ထားတဲ့ ယာဉ်ကို သံသယရှိလို့ စစ်ဆေးခဲ့ရာမှာ အနက်ရောင် ပလတ်စတစ်အိတ်နဲ့ ထည့်ထားတဲ့ လိပ်ဥတွေကို တွေ့ရှိခဲ့တာဖြစ်ပါတယ်။
ဒီဖြစ်စဉ်နဲ့ပတ်သက်ပြီး အသက် ၂၃ နှစ်အရွယ်အမျိုးသမီးတယောက်ကို တောရိုင်းတိရစ္ဆာန် တရားမဝင် လက်ဝယ်ထားရှိမှု၊ သယ်ပို့မှုနဲ့ စွဲချက်တင်ထားပါတယ်။
Source-Reuters
