Home
မြန်မာသတင်း
မြင်းခြံ-နွားထိုးကြီး ကားလမ်းပေါ်တွင် စစ်ကောင်စီတပ်ဖွဲ့ဝင် ၂ ဦး ဖမ်းဆီးရရှိ
DVB
·
September 8, 2024
Photo - Photo - Myingyan Ranger

မန္တလေးတိုင်း၊ မြင်းခြံ-နွားထိုးကြီးကားလမ်းပေါ်မှာ စက်တင်ဘာ ၆ ရက်နေ့က စစ်ကောင်စီတပ်ဖွဲ့၀င် ၂ ယောက်ကို ဖမ်းဆီးရမိခဲ့တယ်လို့ သိရပါတယ်။

Myingyan Ranger အဖွဲ့ရဲ့ တာဝန်ခံတယောက်က “ကျနော်တို့ ပူးပေါင်းအဖွဲ့တွေ မြင်းခြံ-နွားထိုးကြီးကားလမ်းပိုင်းမှာ မြင်းခြံခရိုင်အထူးစစ်ဆင်ရေး MDSO ရဲ့ တစိတ်တပိုင်းအနေနဲ့ နယ်မြေလုံခြုံရေးအတွက်စစ်ဆေးတဲ့အချိန် နှစ်ယောက်စီးလာတဲ့ဆိုင်ကယ် ၁ စီးကို မသင်္ကာလို့ စစ်ဆေးလိုက်တာမှာ ၂ ယောက်လုံး တပ်ကကောင်တွေဖြစ်လို့ ဖမ်းဆီးလိုက်တာပါ” လို့ DVB ကို ပြောပါတယ်။

အဲဒီ စစ်ကောင်စီတပ်သား ၂ ယောက် ဆီကနေ ဆိုင်ကယ် ၁ စီး၊ လက်ပစ်ဗုံး ၁ လုံးနဲ့ ဆက်စပ်ပစ္စည်းတွေကိုလည်း သိမ်းဆည်းရရှိခဲ့တယ်လို့ ဆိုပါတယ်။

လုံခြုံရေးစစ်ဆေးဆောင်ရွက်မှုကို Myingyan Ranger၊ မြင်းခြံခရိုင် အမှတ် ၁ တပ်ရင်း၊ Freedom Fighter Guerrilla Force (FFGF)၊ ရဲခေါင်ပြောက်ကျားတပ်ဖွဲ့တို့ ပူးပေါင်းဆောင်ရွက်ခဲ့တာဖြစ်တယ်လို့ သိရပါတယ်။

Myingyan Ranger အဖွဲ့ရဲ့ ပြန်ကြားရေးတာဝန်ခံက “သူတို့ဖမ်းဆီးရမိတဲ့ အခြေအနေကို အထက်အဖွဲ့အစည်းတွေကို တင်ပြပြီး ဖမ်းဆီးမိတဲ့အချိန်ကနေအခုထိ သုံ့ပန်းဥပဒေနဲ့အညီပဲ ထားရှိပြီး စစ်ဆေးဆောင်ရွက်မှုတွေပြုလုပ်နေပါတယ်” လို့ ပြောပါတယ်။

ဖမ်းဆီးရမိတဲ့ စစ်ကောင်စီတပ်သား ၂ ယောက်ရဲ့ ရာထူး၊ အမည်နဲ့ သူတို့ တာဝန်ကျတဲ့ စစ်တပ်အမည်တွေကို DVB က မေးမြန်းရာမှာ စစ်ဆေးနေဆဲဖြစ်တဲ့အတွက် မဖြေဆိုခဲ့ပါဘူး။

ပြီးခဲ့တဲ့ သြဂုတ် ၁၀ နေ့ကစတင်ပြီး ပြည်သူ့ကာကွယ်ရေးပူးပေါင်းတပ်ဖွဲ့တွေဟာ နွားထိုးကြီး၊ မြင်းခြံနဲ့ တောင်သာမြို့နယ်တို့မှာ ‘မြင်းခြံခရိုင်အထူးစစ်ဆင်ရေး (Myingyan District Special Operation - MDSO)’ အဖြစ် ထိုးစစ်ဆင်ပြီး တိုက်ပွဲတွေဖော်ဆောင်ကာ စစ်ကောင်စီတပ်စခန်းတွေကို တိုက်ခိုက်သိမ်းပိုက်နေတာလည်း ဖြစ်ပါတယ်။

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024