ချဲလ်ဆီးတိုက်စစ်မှူး လူကာကူကို ပေါင် ၃၈ သန်းဖြင့် နာပိုလီအသင်း အပြီးသတ်ခေါ်ယူ
DVB
·
August 31, 2024
နာပိုလီအသင်းဟာ ချဲလ်ဆီးတိုက်စစ်မှူး လူကာကူကို ပေါင် ၃၈ သန်းနဲ့ အပြီးသတ်ခေါ်ယူပြီး ၃ နှစ် စာချုပ်ချုပ်ဆိုခဲ့ပါတယ်။
အသက် ၃၁ နှစ်ရှိ ဘယ်လ်ဂျီယံတိုက်စစ်မှူးဟာ အင်တာမီလန်၊ ရိုးမားအသင်းတွေမှာ ၂ ရာသီ ဆက်တိုက်အငှားထွက်ကစားခဲ့ပြီးနောက် နာပိုလီအသင်းဆီအပြီးသတ် ပြောင်းရွှေ့ခဲ့တာပါ။
နာပိုလီဘက်က ကနဦးပေါင် ၂၆ သန်းပေးချေခဲ့ရပြီး စွမ်းဆောင်ရည်အပေါ်မူတည်ပြီး နောက်ထပ် ပေါင် ၁၂ သန်း ပေးချေရမှာ ဖြစ်ပါတယ်။
နာပိုလီနည်းပြ ကွန်တီဟာ အင်တာမီလန်မှာရှိစဉ်က လူကာကူနဲ့ လက်တွဲခဲ့ဖူးပြီး နေပယ်မှာ တကျော့ပြန် ပြန်လည်တွေ့ဆုံကြမှာ ဖြစ်ပါတယ်။
Photo-Reuters
